Hæ fadderí
Díana hringdi í mig áðan frá NY, voða gaman að heyra í henni. Hún var að segja mér frá því að Amazing Race þættirnir hefðu verið á Íslandi og hún hefði hlegið mikið af vitleysingunum sem villtust á hringveginum.
Í dag var ég í einhverjum reddingum og svoooo fór ég í klippingu. Núna hef ég afar fínt hár og það fyrir einungis fimm sterlingspund. Fór til Tony & Guy Academy. Þar kemur hárgreiðslufólk frá Tony & Guy hárgreiðslustofum víðs vegar að úr heiminum til að læra nýjasta stílinn. Það var belgísk stúlka sem klippti mig. Hún talaði næstum enga ensku.
Svo ætlaði ég í Saatchi en það var lokað! Hah! Svo ég fór barastaaaaa og hitti Önnu, Gudrun og tvo skandínava í viðbót á Trafalgar Square þar sem verið var að tendra ljósin á jólatrénu sem kemur frá Osló, rétt eins og heima! Og það var allt morandi í hávöxnu, ljósari-en-ella fólki með skandínavískan hreim á torginu.
Svaf í 3 tíma í nótt, var að ganga frá allra síðustu ritgerðarmálum. Og núna er ég ENDANLEGA búin með ritgerðir (þangað til í febrúar) og er svoooo þreytt...
góða nótt... ætla að klippa á morgun. Asnalegt að segja klippa þegar maður er að vinna digital. Ekki klippi ég myndavélina. Hahahahahahaha. Sniðug, farðu að sofa, asnalega stelpa.

Ég að prófa símann minn... þetta er test númer tvö sko... 

Er að prófa hvernig þetta virkar... bear with me here... veit ekki einu sinni hvaða mynd þetta apparat er að senda! 

Jæja þá. Mánudagur. Aftur.
Ekki það að ég kvarti yfir mánudögum neitt sérstaklega, það virðist bara vera ákveðin hefð fyrir því. Ég er bara í fríi á mánudögum, sef út og slappa af. (Náttúrulega fyrir utan gríðarlegan lestur, skriftir og myndatökur) Enda sit ég hérna bara í rólegheitunum í herberginu mínu...

Mamma Sólrúnar, hún Þóra, var í heimsókn um helgina og svo hitti ég líka Birnu í gær, en hún var í stuttri heimsókn hér í borg. Það var mjög gaman.
Setti myndir undir Vinir og vandamenn...
Svo tók ég mynd af Pankhurst (styttu af henni reyndar, enda er eflaust ekki mikið eftir af original útgáfunni) sérstaklega fyrir Völlu vinkonu.

Ooog svo horfði ég á Nóa Albinóa (í fyrsta skiptið) með Sólrúnu, Kostas og Sairu. Fyndið að horfa á íslenska mynd með enskum texta. Og með útlendingum. Og að útskýra malt og sláturgerð. Og segja hvernig maður kannaðist við hinn og þennan.

Er með Joanna Newsom á heilanum þessa dagana. Hún er yndi. En það er mjög bjánalegt að syngja lögin hennar, fólk horfir á mann afar undarlega. Kannski vegna þess að ég fer ósjálfrátt að herma eftir skrítna hreimnum hennar og skrítnu raddbeitingunni. Svo sleppir maður náttúrulega luft-gítar og gerir bara luft-hörpu. Djók. Aldrei gert luft-hörpu. En það gæti verið svolítið svalt samt. Haha, núna sé ég fyrir mér luft-hörpu. Það er fyndið.

Frábær heimur hjá mér, haaa? Ég er orðin ein af ,,þessum" bloggurum, þessum sem blogga svona:
Ég vaknaði og svo burstaði ég tennurnar og klæddi mig og fékk mér svo morgunmat og hlustaði á fréttirnar. Það var ekkert merkilegt í fréttum. Fór í skóna og út á strætóstöð. Strætó var of seinn, o.s.v.
,,Orðin"? Hmmm...
Hefur einhver smá vinnu fyrir mig í desember? Ég er ágætis dráttarklár, skal ég segja þér.
Svo hef ég ritvinnslukunnáttu og er afar góð við menn og málleysingja. Og kann svona pínulítið að taka upp og klippa... bráðum meira og meira... og svo útskrifast ég sem bara snillingur. Vonandi. Annars bara sem mannfræðingur.

Halló halló. Föstudagur á morgun... gúlp. Vinnuhelgi framundan.
En, gærdagurinn var heldur betur góður. Fékk mér góðan afmælisbeyglumorgunmat með Heiðu og Sólrúnu, og síðar bauð Sólrún mér í dýrindis hádegisverð. Arnar kom frá Brighton og svo fórum við á tónleika um kvöldið, vinur hans er í sænskri hljómsveit sem heitir The Concretes (sem var bara nokkuð góð, skal ég segja þér) og var að hita upp fyrir The Thrills (sem voru sjæt) og reddaði okkur (síamstvíburunum B og S og sér) ókeypis inn barasta. Ég er ekki vel tengd, en ég er vel tengd fólki sem er vel tengt... hmmm...
Bretar eru yfirmáta kurteisir á rokktónleikum. Við vorum næstum búuð burt af áhorfendasvæðinu því við reyndum að færa okkur nær sviðinu. Það voru allir með "sitt svæði" og sko enginn troðningur, takk fyrir! Meira að segja í bjórbásnum var fyrirmyndar röð, hún virkaði í fyrstu kaotísk, en hún var afar vel byggð, eins og Arnar gat vitnað um.
Svo fórum við heim og ég fékk afmælisköku með ís (Sólrún keypti rosa flott kerti og allt!) og drakk gin með skemmtilegu fólki, nammi namm...
tók nokkrar myndir af því og bæti við afmælismyndirnar núna...

Ég á þennan dag. Hann er sko minn. Jahá og liggaliggalá. Afmælisbeyglur í morgunmat, namminamm. Svo ætla ég kannski bara í bíó í kvöld... hmmm...

núna er eiginlega nótt sko. Ég er búin með ritgerðina mína (gróflega, a.m.k.), bara smá snurfus á morgun og þá er hún spikk og span. Og klukkan er ekki einu sinni orðin þrjú! Haaa! Jeeei... ókei, hef voða lítið að segja núna... uppfull af lakkrístei...

Bretar hafa svooo undarlega sjónvarpsþætti. Til að mynda: Britains worst parents. Þar sem keppt er í hverjir eigi verstu foreldrana... og þeir taka þátt í því. Mér fannst það nú hálfgert rugl, það var ekki einn þarna sem lamdi börnin eða gerði eitthvað verulega slæmt. Þetta var mest bara : buhu, pabbi er með asnalega klippingu og gaf mér ekki miða á Blue tónleikana. Sem er náttúrulega bara rugl. Haaa... Jú, jú, svo er Wife Swap. Í alvöru. Hversu galið er það? Og margt fleira svona... Já já...

keypti mér bók í dag, hún heitir The Queen's Fool e. Philippa Gregory. Svona söguleg skáldsaga frá tímum Elísabetar fyrstu. Er líka hálfnuð með aðra sem heitir Courtesans eftir Katie Hickman og hún er um líf yfirstéttar vændiskvenna á átjándu og nítjándu öld, þ.e. tekur fyrir þær frægustu og rekur ævisögur þeirra í gegnum samtímaheimildir. Skemmtileg mjög og áhugaverð. Jájájá... ég les mikið annað þegar ég á að lesa hitt, eða þannig.
Ætti kannski bara að halda í háttinn. Það er nú ekki langt að fara. Bara svona eitt skref. En það tekur orku. Geisp. Góða nótt. Ekki láta pöddurnar bíta ykkur.

Jæja jæja, kominn þriðjudagur barasta... og hver á afmæli á morgun? Hmmm... Í gær kom Álfheiður til Lundúna og gistir hér, það var voða fínt að sjá hana OG hún gaf okkur súkkulaði og gin :-) Gott þegar vinir manns skilja mann.
Ég er ekki ENN búin með ritgerðina. Þvílík martröð. En ég náði allaveganna fyrstu ritgerðinni, var á svipuðu bili og flestir aðrir með einkunn, svo ég þarf ekki að hafa hræðilegar áhyggjur. Vonandi. Gúlp.
En jæja. Hmm. Best að fara að skrifa aftur... en sjáiði hver ég er í Angel, er þetta ekki bara týpískt? En ég elska samt ekki Fred. Ég meina, mér finnst hún allt í lagi svona, en ég elska hana ekkert.

Take the quiz: "Which Angel character r u?"

Wes
You are a serious british watcher/ rouge demon hunter. your really sweet and love fred

Mikið var nú gaman í gær.
Fyrst fór ég með Sólrúnu að rölta um Greenwich, svo kom Arnar og svo var 12 manna matarboð í eldhúsinu okkar, Min sá um eldamennskuna. Namminamm.
Harold hafði skreytt allt eldhúsið, með blöðrum, borðum og tilheyrandi. Við vorum náttúrulega alveg 4 að halda veislu... ég, Harold, Franny og Min... ærlegt tilefni. Svo fór fólkið að mæta í partíið og það var bara frábært stuð. Eldhúsið var troðfullt og gangurinn líka, og helmingurinn Íslendingar, tíhíhí... vorum næstum því fleiri en asíubúarnir... næstum... þau eru svolítið mörg. Enda aðeins fleiri en við svona yfir höfuð. Svo fór ég bara þvílíkt seint að sofa, og vaknaði geðveikt seint auðvitað... Rámar í að hafa dansað Macarena (?!?!?). Við Arnar fórum svo og fengum okkur þynnkumat á pöbbnum, svo fór hann til Hannesar en ég að læra/horfa á 21 grams... en reyndi að læra smá þó...
Áðan komu svo Aminuskvísur sem gista munu hér fram yfir helgi... ætlum kannski á markað á morgun. Eða, þær ætla... ég ætla kannski... kannski ætti ég bara að læra. Buhu.
Hey, setti inn nýjar myndir, þær verða undir Afmælisveisla hér til hliðar... skelli inn linknum núna...

Obbobbobb,
ekki verða of sein(n) að senda pakkann! Hvaða pakka? Nú afmælispakkann. Minn. Haaa? Má ekki gleyma manni þó maður sé fjarri, ha? Ókei, kannski er nóg að senda kort. Eða e-kort. Eitthvað allaveganna, allt í lagi? Á miðvikudaginn... nokkrir dagar til stefnu.
Eeeeníhú...
svakaleg afmælisveisla á morgun, hí hí... Taívanarnir ætla að elda djúsí kvöldmat á morgun og svo hefst margarítuveislan... Minh og Harold sjá um partýplönin, ég þarf bara að gefa þeim pening og mæta. Sem mér finnst ágætt plan. Ég keypti þó "Happy Birthday!" borða og lítil hjörtu til að skreyta með... (væmin í ellinni?)
...og ef einhver skyldi vera forvitin(n) þá tók ég "nokkur" persónuleikapróf... :S birti tvö hér... á hin til góða, ne?


You are Gloria Steinem. You are the McDonalds(tm)
of liberal feminism, though you used to expouse
some pretty radical ideas, you ended up working
the system. Because it's easier? Maybe. But
thanks for the only mainstream feminist
magazine and for heading one of the most
significant feminist lobbys in the history of
the US. We wouldn't be where we are without NOW
and Ms., as much as some of us are loathe to
admit it.


Which Western feminist icon are you?
brought to you by Quizilla
Gloría er kúl og ég skil ekki þetta diss á hana hér að ofan, MakkDónalds líberal feminista? Hnuss. Enda er prófið nett gender biased og konur eru skrifaðar wymyn... nudge, nudge, say no more, say no more... Hey, Arnar, við erum eins!
Take the quiz: "Which American City Are You?"

Cleveland
You are blue collar and Rock n Roll. You Work hard and party harder. Cleveland. Cleveland!?

He hey, vitiði hvað er sniðugt að gera þegar maður er að læra? Hanga á netinu. Læra allt um eitthvað skringilegt, til dæmis eins og flækjast á japönskum manga síðum. Jahá. Það skal ég nú segja þér! Miðar ansi hægt með ritgerðina, en örlítið þó. Ha ha hæ. Ætli ég læri ekki fram eftir kvöldi, barasta. Fram eftir nóttu kannski bara.
Er að bíða eftir Sólrúnu, ætlum að fara að elda... garnagaul... Verð víst að vera hljóðlát því Kostas og marxíski ástarpungurinn Theó eru að fara að horfa á Godard í eldhúsinu, er það nú menningarsnobb, haaaa?

Nú styttist í helgina og það verður nú aldeilis fjör! Afmælið verður á föstudagskvöldinu og ég held ég sé búin að ná í alla íslendinga sem ég þekki á svæðinu... ef ég gleymi einhverjum, má endilega benda mér á það. Arnar kemur um helgina líka og svo allar Aminu-skvísurnar svo það verður eflaust þröngt á þingi, þröngt en afskaplega kósí, ne? (var ekkert að grínast með mangað)

Ég er að skrifa um visual/textual debatið í eþnógrafískum myndum og þarf því að lesa ótal rifrildi um Forest of Bliss e. Robert Gardner. Greyið kennarinn minn, mikið hlýtur hann að vera kominn með HUNDleið á þessari umræðu. En mér fannst Forest of Bliss svo óstjórnlega sjálfumglöð og mannfræðilega villandi að ég er rétt nógu fúl til að skrifa semi-góða ritgerð... vonandi... ef ekki, nú jæja, þá fæ ég hvort eð er ekki einkunn fyrir ritgerðina... vil nú samt fremur hafa hana góða.

Var ég búin að segja að Álfheiður er að koma til London í næstu viku? Það verður voða gaman að hitta hana :)
Weird að horfa á Hitch hiker þættina... afskaplega gaman þó! Að hitta Slartibartfast og allar mýsnar aftur vekur afar nostalgískar tilfinningar. Mikið las ég The More Than Complete Hitch hikers Guide to the Galaxy oft þegar ég var sextán ára. Og það eru barasta að verða ELLEFU ár síðannn. Vó.
(Er einhver að taka eftir smá aldursstressi hérna þessa dagana? Það er bara bull, rugl og bull!)

Á jákvæðari nótum er ég hálfnuð með að horfa á Hitchiker's Guide to the Galaxy með Kostas og Sairu... BBC þættina sko. Er ekki sátt við að Trillian sé einhver mjúkmælt playboyljóska í mínífötum. Sé hana fyrir mér sem alveg flotta gellu, en bara miklu meiri töffara og ekki í rauðum satínsundbol. Baklausum. Kannski eins og Crossing Jordan Jordan. Hún væri kúl Trillian.

En, hahaha... what's so wrong with being drunk? Say that to a glass of water.
Mig langar að borða fullt af nammi og horfa á svona 2 þætti af Gilmore og svo smá Buffy og síðan kannski Skrekk 2 oooog svo langar mig að horfa á Ringu... og drekka rauðvín...
En ég ætla ekki að gera það. Ég ætla að:
Þvo þvott.
Borða hrísgrjónagraut.
Læææææra.
Fékk sms frá Siggu í dag og það er alveg tímamótadæmi, skal ég segja þér. Sigga hefur ekki getað verið í neinum fjarskiptasamböndum í áraraðir (a.m.k. ekki í Frakklandi) og nú sendir hún sms! Mikið er ég stolt af henni!

Ég haaaaaata ebuyer.com.
Þetta er andstyggðar fyrirtæki.
Fyrst gat ég ekki skráð mig þar því ég hafði ekki kort með UK addressu.
Eftir kvörtun gat ég það... en bara skráð mig inn, ekki keypt neitt!
Þá var ég beðin um að skipta um kort. . (var sem betur fer komin með annað kort þá) en þá fékk ég bara "error report", þ.e.a.s. þegar ég ýtti á "Change payment" þá kom error report...
Margoft.
Þá prófaði ég að draga pöntunina til baka og leggja inn nýja með nýju korti.
Fæ 3 dögum síðar tillkynningu um að addressan á kortinu sé ekki sama og heimilisfangið mitt.
Ég laga það, en í raun var ekki um neinn mun, bara eina kommu.
Fæ 3 dögum síðar aftur tilkynningu um að addressan á kortinu sé ekki sama og heimilisfangið.
Er pottþétt á að það er hið sama því ég skrifaði nákvæmlega eftir bankabréfi.
Ég ákveð að senda þeim kvörtunar/aðstoðarbeiðni. Þeir eru með fítus fyrir það. Hann heitir eNotes.
Ég smelli því á "Click here to send eNotes!"
Og hvað fæ ég á skjáinn???? Jú, ég fæ "You have NO eNotes"
Nei, ég vildi líka SENDA eNotes, var ekkert að búast við bréfi...
sendi að lokum kvörtunina á webmasterinn, sem er eina addressan sem ég get komist í tengingu við þá...
Ég er svoooooooooooooooo pirrrrrruuuuuuðððððððð.
Og af hverju ekki að versla við einhverja aðra? Því þessir eru ódýrastir. Sólrún heldur að þetta sé svona andti-globalization fyrirtæki, sem reynir að drepa vefviðskipti. Ég held bara að það sé ekki svo fjarri.
Mig langar að finna þetta fólk og bara, bara, bara... urrrg... gera eitthvað ljótt og óvefhæft.

Sko, breytti tenglunum mínum. Hahahæ. Og setti inn fullt af nýjum myndum, þær eru undir Vinir og vandamenn-tenglinum hér til hliðar.
Segiði svo ekki að ég geri aldrei neitt. Og ég er búin með ritgerðina mína. Liggaliggalá.
Byrja svo á næstu ritgerð á morgun... Gúlp.
Góða nótt!

Ég er kreisí Lundúnarkona, kreeeeiiiisííí. Ég er Penny Lane. Kreeeeeiiiisííí. Ég er kvikmyndastjarna og malískur base-jumpari og tala með pakistönskum hreim. Nei, æ.
EN ég er moldvarpa sem finnur allar mögulegar afsakanir til að skrifa ekki ritgerðir.
Allar í heimi,
trilljón, billjón, xilljón afsakanir.
Ég er hölt(samt ekki), ég er af andlegum minnihluta(það er nú rétt), ég er með sinaskeiðabólgu(og þó, en það klikkar í úlnliðnum mínum og tánum), ég þarf að þrífa gluggakistuna að utan (það gerðist í alvöru), ég þarf að naglalakka mig (afskaplega nauðsynlegt), ég þarf að horfa á dvd, bora í nefið og lesa fjórtán bækur á einu kvöldi. Eða kannski bara fjórar. En samt. Og ég á engan kærasta, er það ekki bara sorglegt, orðin hundrað og tólf ára? En mér er alveg sama, ég höndla þá hvort eð er ekkert.
Og ég verð skrítnari og skrítnari með hverju árinu sem líður... OG ég er psychosómatísk, alveg svakalega. Grínlaust. En ég á fimm fallegar skálar (Muji), þrenna eyrnalokka (pör sko), fallega kápu og þá fullvissu um að eftir tuttugu ára skólagöngu fái ég að minnsta kosti vinnu við að skrúfa tappa á tannkremstúpur. Og ég er að verða 27 ára gömul, bara rétt bráðum. 27 ára. 27 ára.

(27 ára)

Og ég, Harold og hin nýrnaveika, ný-sloppin-út-af-spítala Frannie ætlum að halda saman upp á afmælin okkar með Margarítamaraþoni dauðans. Íha. Næstu helgi, á föstudaginn 19. nóvember. Þá verð ég vonandi búin með 3 af 4 ritgerðum. Vonandi.
Verðurðu í London þá? Komdu í heimsókn. Margaríta. Jei.

Sainsburys er að hætta með uppáhalds teið mitt. Fari það í tevatnið. Yogi te, eina teið með biti. Lakkríste. Og Engifer og sítrónu te. Grrrr. Ah!

Horfði á Stepford Wives í gær, þessa upprunalegu. Ég held að William Goldman sé með meiri snillingum sem ég veit um.

Vilt'iggi skrifa mér bréf? Sérstaklega ef ég heyri aldrei í þér eða hef ekki heyrt í þér í grilljón ár. En líka ef ég heyri í þér oft! Það er gaman að fá bréf. Ég ætla að vera duglegri að skrifa bréf. Skrifa barasta öllum. Skrifa einhverjum sem ég þekkti í ellefu ára bekk. Nei. Æ. Þá er ég creepy. hmm. Svo nenni ég aldrei að skrifa bréf sjálf, hvað er ég að væla. Mig langar í kaffi. En það væri kannski ekkert of sniðugt í augnablikinu.
Úti eru læti í Venue, sem er næturklúbbur dauðans. Þar er alltaf kílómeters röð inn, uppfull af stelpum í mínífötum og engum yfirhöfnum í nístíngskulda og strákum með hárbönd. Þetta er svo skelfilegt. Það hlítur að vera blöðrubólgu-epidemic þarna.

Í dag er þriðjudagur og ég þarf alvarlega að hefja skriftir. Þessi ritgerðaherferð er algjört horror. Er að skrifa ritgerð um þá hugmynd að allar birtingarmyndir mannfræðilegra viðfangsefna í ljósmyndum sem og hreyfimyndum eigi það til að hlutgera þau, og með því grafa undan hinu stærra mannfræðilega marki að leyfa viðföngum að tala fyrir sjálf sig og kynna sig á eigin forsendum. (hljómar asnalega á íslensku, og eins og orðið viðfang sé ekki hlutgerandi í sjálfu sér!!!)
Prufiði nú að skrifa um þetta út frá Foucault.
:-(
Mér líkar annars vel við Foucault.

Svo mæli ég með bók sem heitir The Timewaster Letters eftir Robin Cooper, hún er óóógeðslega fyndin. Þessi gaur tók sig til og sendi bréf til hinna og þessa félaga/fyrirtækja með alls kyns undarlegar hugmyndir og lokkaði hina mjög svo kurteisu breta til andsvara... Skrifaði til Erkibiskupsins af Cantenbury og bað um tips til að stofna eigin trúarsöfnuð, t.d. hvað væri sniðugt að trúa á, hvernig best væri að skipuleggja sig etc.
Ha ha
Hvenær skrifaði ég eiginlega síðast? Fór á ljósmyndasýningu og rölt um Shoreditch og þar, með Kati og Sólrúnu, það var alveg frábært. Var ég búin að blogga um það? Gullfiskur er ég. Held ekki. Var sú eina sem var ekki í hljómsveit og var með mikla minnimáttarkennd. Ætla að stofna svona one person band, þið vitið með skellum á hnjánum trompet í munninum, harmoniku milli handanna etc. etc., var ekki einhver svoleiðis í Mary Poppins?

Fór svo í mat til Hannesar á laugardaginn og það var alveg æðislegt. Hann bauð sumsé Guðrúnu (Friðriks) og Andrew og mér og Sólrúnu og Bryndísi Ísfold og stelpu sem heitir Olla. Svo eldaði hann dýrindismáltíð. Það var alveg frábært og svaka stuð. Hey, og svo er Hannes frændi Sösu!
Og ég fékk pakka frá Bryndísi frænku gegnum Bryndísi Ísfold, alveg æðislegt að geta lesið smá á Íslensku og fylgst með current affairs og svoleiðis.

Gamla settið er búið að vera í Kaupmannahöfn að undanförnu, fæ vonandi ferðasögur fljótlega...
Dudduru, verð að fara að læra en get það ekki því ég fer alltaf að tjatt á msninu... :S

Hey, Fríða vinkona/frænka mín (Ammendrup) er ólétt!!! Allir bomm, bara! Hvurslags! Set linkinn hennar inn á síðuna seinna og líka linkinn að síðunni hennar Erlu Rún... ef einhverjir fleiri vilja bæta inn linkum látið mig endilega vita, ætla að fara að skipuleggja síðuna eitthvað betur... haha... ætla alltaf að gera það svosem...

Síðast þegar ég bloggaði
haaa
þá ýtti ég á publish post
haaa
og þá kom bara bilunarmelding og öll skrifin mín hurfu af skjánum.
Þá varð ég afar svekkt og spæld.
En núna líður mér betur.
Ég á smá pening, afturvirkir kjarasamningar eru hin mesta búbót. Og þá gat ég keypt mér eilítið smotterí, tvær skólabækur oooog... svona eitthvað smá til að fara ekki í jólaköttinn. Maður verður nú að hugsa fyrir þessum hlutum.
Á nú hin myndarlegustu stígvél, sem gagnast bæði dags daglega sem og þegar maður vill vera aðeins í fínni kantinum. Gasalega lekker.

Hvað nýtt, hvað nýtt? Hmmm... viku fríi í skólanum fer brátt að ljúka. Gúlp. Alvara lífsins tekur við. Ooog. Hmmm. Fór á A hole in my heart eftir Lukas Moodysson (Lilya 4-ever, Tillsammans, Fucking Amal) með Önnu. Hún var allsvakaleg. Ég verð eiginlega að melta hana svona í tvær vikur áður en ég get farið að tjá mig um hana. Svo fórum við á svokallaðan masterclass þar sem leikstjórinn sjálfur sat fyrir svörum. Stórkostlegt. Hann er svolítið krúttaralegur og fyndinn. Og snjall.

Fór til Brighton um daginn að hitta Arnar og Fríðu en ég held ég megi ekki setja myndirnar inn... eða hvað?? (Fiska eftir kommentum, sko) Það var alveg frábært. Brighton er yndisleg og húsin krúttaraleg og svo er líka sjór þar.

Hmmm. Svo var Sigrún hérna, og líka Egill. En þau eru bæði farin núna. En núna er Guðrún hérna (sem ég hitti í dag ásamt Hannesi, en hann býr líka í Lundúnum) og Bryndís Ísfold (sem ég hitti á morgun). Gaman að fá gesti!

Í kvöld er Guy Fawkes night, sem er svona flugeldahátíð eins konar. Þessi Fawkes reyndi að sprengja upp breska þingið árið sautjánhundruð og súrkál, eða öllu heldur sextánhundruð og súrkál, en náðist og var því drepinn á afar sársaukafullan hátt (get ég ímyndað mér, ekki hafandi reynsluna (enn, a.m.k.)). En sumsé, komið var í veg fyrir sprenginguna og til að halda upp á það... sprengja bretar upp allt annað. Skringilegt fólk.

Já. Hmm. Er að bíða eftir Sólrúnu sykurpúðanum mínum svo við getum farið að borða Nóa Kropp (þökk sé Guðrúnu) og horfa á Blade Runner. Ídealt föstudagskvöld. :-)

Gunna er búin að eiga!!! :-D Gunna og Illugi áttu lítinn strák í síðustu viku, hann ku vera afskaplega fríður, með afburða intellekt og sjarmerandi rauðan lubba! Til hamingju með það!! Ég hlakka mikið til að sjá hann í desember. Verst að sjá hann ekki fyrr. Sniff.

Súperdúper... var að ákveða með Kostasi og Sairu að fá okkur þráðlaust net (kannski með Frannie líka) og það er þá ódýrara per haus... var reyndar búin að fá breiðbandið... en það var enginn samningur svo það er ekkert mál. Chen-Chuin var eitthvað að leiðbeina okkur með þetta, meget svært. Fór til Brighton í síðustu viku að hitta Arnar og Fríðu og það var alveg frábært, bæði þau og líka staðurinn. Geðveikt að vera þarna, miklu flottara en litla, steinsteypta London... ekki það að London hafi ekki sína kosti líka. Hey, var ykkur alvara með að ég megi ekki setja inn myndir :) ??

Svo kom Sigrún, systir hennar Sólrúnar, til Lundúna yfir helgina og líka Egill en núna er hún farin en hann er áfram. (Gat ég orðað þetta flóknara?) Það var afskaplega fínt.

Núna er lestrarfrí í skólanum mínum... er ekki búin að gera neitt í dag... úff. Horfa á DVD, Sur mes levres og Last Tango in Paris... og smá Greenaway... Frannie á hrúgu af DVD sem hún geymir inni í eldhúsi okkur til hægðarauka... hehehe...

Í gær var Hrekkjavaka. Ég málaði mig og fór í pils. Punktur. Held það hafi verið nógu mikið sjokk fyrir fólkið hérna, heeeeyyy, Bryndís ekki sjúskuð í gömlum stuttermabolum og joggingbuxum (æ, og þó, ég á ekki joggingbuxur... segjum gallabuxur)!! Og svo elduðum við Sólrún mexíkanskan mat á línuna, eða hálfa línuna. Íbúðin skiptist eiginlega í tvennt, illindalaust þó að sjálfsögðu...

Á morgun er maraþonlestur og ritgerðarskrif... gúlp... og svo kemur Bryndís Ísfold um helgina og ætlum við að tjútta svolítið saman, hí hí... eins gott að standa sig þá í lestrinum og því.

Heeey, já, gleymi ég. Það var partí í íbúð fimm á föstudaginn, sem var alveg fínt... ég fór með Sairu og Sumaia (er þokkalega orðin hálf pakistönsk núna) þangað og svo birtust systurnar, S og S. Partíið gekk ágætlega þangað til að béskotans brunavörnin fór í gang. Þá fórum við bara í íbúð Sumaiu og spjölluðum fram eftir kvöldi. Fór svo að sofa. Og þá fór brunavörnin í gang. Svona um þrjú-fjögur leitið. Og svo fór hún aftur í gang. Og aftur. Og aftur. Og aftur. Sex sinnum í allt held ég og seinast hálf átta um morguninn. AARRRGGG!!! Og þetta er ekkert smá hávaði! Það voru alveg hundrað manns alvarlega grumpy daginn eftir... OG SVO gerðist eitthvað í eldhúsinu, Jeff kveikti í einhverju og það var allt á kafi í reyk... en haldiði að brunavörnin hafi farið í gang? Not on your life...

Vil fá afslátt af leigunni :( Svo er lásinn á íbúðinni okkar bilaður svo við KOMUMST EKKI ÚT... þurfum að hafa hana opna... (sem hentar okkur Íslendingunum vel, Sólrún kemst í eldhúsið og svona!) oooog... já, dyrasíminn er líka bilaður. Hvurslags eiginlega... og Bretar eru svo slow að þetta verður eflaust ekki lagað fyrr en eftir hundrað ár... hmmm...
Virka ég grumpy? Ætla ekki að vera grumpy. Ég er glöð kona. Glöð, glöð, glöð... vann meira að segja í rommí í gær, whoda thunk it?