Me, me, me.

APATHY ON THE RISE, NO ONE CARES

Myndin mín
Nafn:
Staðsetning: Reykjavik, Iceland

mánudagur, apríl 21, 2003

Jei, virkilega byrjuð að skrifa!! Þar sem undanfarnir mánuðir hafa farið í undirbúningsvinnu fyrir ba-verkefnið (heimildavinna, semja spurningalista, fyrirlögn, innsláttur... reikningur) er alveg stórkostlegt að byrja að skrifa fyrir alvöru. Jibbí. Kannski þetta náist eftir allt saman!! :S Gúlp. Fór annars á vinnudjamm með skvísunum á föstudaginn langa. Þema kvöldsins var "Litur, litur, litur" (pínulítið orðnar heilaþvegnar af Cosmo) og mættum við í samræmi við það, ég í bleiku, Doja í grænu, Una í gulu og Anna Soffía í appelsínugulu. Við vorum eins og stúlknaband, þokkalega svalt maður. Anna Soffía bjó til vodka-jelló og hélt það okkur nokkuð fljótandi (og dansandi) fram eftir kvöldi. Á laugardaginn var Evrópudagur hjá UJ og mætti ég þar með Ernu skvísu litlu frænku, alveg að fýla mig í tætlur. Nema hvað að fólk sem ég er búin að starfa með í allan vetur var alltaf að spyrja hvort hún væri mín. Hún er 2 og hálfs mánaðar. :S Ávísun á aðhald?? Ónei, læt ekki samfélagið kúga mig!! Ehemm. Svo var grill um kvöldið á þriðju hæðinni á svölustu svölum Reykjavíkur. Búið er að hreinsa vel til og skreyta fagurlega hin nýju híbýli UJ og líst mér rosalega vel á þau. Sérstaklega svalirnar, var ég búin að minnast á svalirnar? Svo fóru allir í partí til Kristínar þar sem tveir gítarar og fjöldasöngur héldu vöku fyrir nágrönnunum fram undir morgun eða svo, kannski aðeins minna en það en samt lengi... Hmmm... jú, Sólrún er komin heim!!! :-D Hún er búin að vera einhvurjar sex vikur á túr m. Sigurrós og var síðast í Japan. Úff. Ég er að fara að hitta hana á eftir, eftir kosningastjórnarfundinn að ég held. Jei!

Guten tag, þá er maður bara aftur byrjaður að skrifa. Rosalega dugleg við þetta. Ehemm. Stend á haus í verkefnum þessa dagana og er núna að bíða eftir Arnari en við erum að fara að skrifa saman. Meeen. Þetta er svo ótrúúúlega mikið verk. :S Og við þurfum að skila mjöööög fljótlega. Úps. Verð að hlaupa. Skrifa meira fljótt!! :D
Bendi á heimasíðu Ernu Nielsen Hlynsdóttur sem finna má á barnalandi.is!!! :D Ciao.

þriðjudagur, apríl 15, 2003

Ú, gleymdi! Við Arnar náðum með harkinu að færa alla spurningarlistana okkar inn í SPSS fyrir miðnætti í gær! Harkan sex eða sjööö alveg. Keypti mér bók áðan sem ég vonast til að geta lesið seinni partinn í maí.

Jæja jæja... lítið að skrifa, en er bara busybusybusy... muuuu... var að vinna til fimm og svo var reynt að koma mér í verzlunarmiðstöðvar til að kynna Samfylkinguna (er neikvæð auglýsing virkilega góð auglýsing?) áður en ég mætti á fund klukkan sjö, annan klukkan átta og þriðja klukkan níu. Ég beilaði á verzlunarmiðstöðinni, komst í bað í staðinn og veitti ekki af. Og Diana hringdi frá NY og talaði heillengi, er búin að ákveða að fara í laganám og ganga til liðs við Utanríkisráðuneytið. Go Di! Eflaust skortur á Mexíkóskum Könum þar. Hmmm. Hmmm. Er milli funda (er að skrópa pínu, ókei, en ég er alveg að fara niður og ganga til liðs við fundinn á nýjan leik)
Lyfi biltyngin. Úúú! Geðveikt stuð að skrifa vitlaust. Ætti ekki að gera meira af því. Ciao.

mánudagur, apríl 14, 2003

Hvaða tuð er alltaf á fólki?? Eins og ég megi ekki barasta blogga eins og mér sýnist! Jæja, jæja. Ég er alla veganna að uppfæra núna. Það er nú ýmislegt búið að vera að gerast hjá dömunni... ég skellti mér til dæmis upp á Sauðárkrók á miðvikudaginn, keyrði eftir vinnu ásamt Eiríki Jóns til að vera viðstödd stofnun UJ á Norð-vesturlandi. Svo hélt Eiríkur áfram til Ísafjarðar en ég keyrði aftur í bæinn ALEIN (djöfuls töffari maður) um miðja nótt. Allar sjoppur lokaðar og hvergi hægt að pissa, bara endalausar vegastikur á móti manni. Ég sá ekki einu sinni annan bíl frá Borgarnesi þar til ég keyrði úr Mosó inn í Reykjavík. Vorkenndi mér ekkert smá mikið en lét að sjálfsögðu eins og þetta væri minnsta mál. He he. Á fimmtudaginn var svo stórhátíð á Players í Kópavogi, en UJK var að djammast með Botnleðju þar. Staðurinn er svoddan gímald að þeir 70-80 einstaklingar sem þó voru þar hurfu gjörsamlega. Svo fórum við á Ölstofuna þar sem ég fékk pikköpp línu dauðans. Dauðans, segi ég ykkur. Á föstudaginn fór ég þriðja daginn í röð út á land (he he hí á Kópavog!) en í þetta sinn með megninu af UJR upp á Skaga þar sem við enduðum á einhvurju jackass-þema kvöldi á stað sem ég man ógreinilega hvað heitir. Hehe, þar var nú margt um kossaflens, þótt ég sjálf hafi náttúrulega verið fyrirmynd háttvísinnar.
Laugardagurinn. Úff. Vaknaði þokkalega "þreytt" og mætti klukkan ellefu til að leika í tónlistarmyndbandi. Íhaaaa. Íklædd beljubúningi þaut ég svo um Kleifarvatnið endilangt. Tilgangurinn er soldið leyndó svo ég ætla ekkert að fjasa of mikið um það. En ég get sagt ykkur að The Cow, The Cock og The Couldn't-Care-Less Bear bundust ævilöngum vináttuböndum í Cooper Cobra. Það var alveg slatta fyndið en svolítið kalt og búið svolítið seint. En það var í góðu lagi því ég er sko þokkalega frjáls. Eyddi svo fjórum klukkutímum í gær með Arnari að færa inn BA-verkefnið okkar og við erum ekki búin með nema svona kvart. :-S (gleymdi gögnunum niðrí Odda í gær... :S fann þau sem betur fer aftur áðan á sama stað og ég hafði skilið þau eftir... inni á klósetti... haha... ókeibæ)