Mamma er samt ekkert mommí dírest, hún er barasta ágæt. Settið er að fara á Síkagó í kvöld en ég vil ekki sjá söngleiki. Er mikið á móti söngleikjum. Ögh. Gúbb. Þvílík lágkúra. Veistu hvað er jafnslæmt (ef ekki verra?)... farsi. Farsi. Ögh, kjánahrollur og aumingjahúmorsskapur. Úpsí, datt niður stiga og prumpaði. Hahaha. Mig langar eiginlega bara að sjá Meistarann og Margarítu í Hafnarfjarðarleikhúsinu núna. Ég elska Hafnarfjarðarleikhúsið. Og svo horfi ég á allt með drykk í titli.

Og hey, ég ætla að vera súper dúper PR manneskja þegar ég er orðin stór EÐA heimildarmyndagerðakona. Gott plan?

Súperplan fyrir helgina: Kveðjuveizla fyrir Birnu á morgun (ég eflaust edrú þó og djamma ekkert, fæ ekki útborgað fyrr en um miðnætti... hmm... miðnætti...) og svo erum við Brynja Kærleiksbangsi að skipuleggja þrusustuð og stjórnardjamm á laugardaginn...

Jæja, hvarf bara dagurinn í gær af blogginu? Eða bloggaði ég bara ekki neitt? Svona eru nú dulgátur þessa heims. Mig langar í Kringluna að skipta crappy skónum sem eyðilögðust eftir fjórar ígöngur en ég er hrædd því ég keypti þá í GS skór sem er partur af Sautján sem er fullt af scary fólki sem segir ,,sosso sosso, hvað heldur hún þessi að hún sé, hún er ekki nógu fín til að verzla hér" Eða kannski segir það ,,haha, hún getur sjálfri sér um kennt því hún er með svo feita fætur" Eða svo vill það ekki viðurkenna að ég hafi keypt skóna þar eða kannski lætur það mig hverfa niður um hlera í gólfinu (handfangið við hliðina á kassanum) og ég mun aldrei sjást aftur. (Ef ég blogga ekkert á næstunni, hringiði í lögregluna)

Ekki bið ég vini mína um að koma með mér því ég á enga. Malcolm in the Middle gæti verið vinur minn. En þá væri hann samt ósýnilegur og ekki mikil stoð þar af leiðandi. En ef hann væri ekki ósýnilegur væri það soldið kúl. Og líka ef hann væri alvöru persóna. Það myndi líka hjálpa.

Fór á pabbakvöld í gær. Samt er ég ekki pabbi. Skrýtið. Það var barasta mjög fínt, sgo. Kúdós, Arnar!

Var á annarri deild í dag. Deildin mín er ýkt líbó. Krakkarnir öskra út um allt og ég kútvelltist um og kasta þeim upp í loftið og pota í magann á þeim (íúí, vot ei lovlí píktjúr). En á Álfheimum er allt mjög strangt og maður þarf að segja susss og lokiði munninum krakkar og ekki hreyfa ykkur. Og þau hlýða líka! Freaky. Og ég held ég þurfi að vera þar líka á morgun. Það eru allir starfsmennirnir veikir á Álfheimum og allir krakkarnir veikir á okkar deild. Ég kysi fremur krakkaleysið.

Fer í morgunleikfimi með Doju á morgun, hún býður mér í Body Balance. Er fremur skelfd. Gotta go. Mommí dírest er komin heim.

Lilja, celebrity giftingardæmið er að finna á Quizilla.com ;-)

Fékk kreditkortayfirlitið í dag. Hmmm. Það er mjög gruggugt. (gruggugt er skrítið orð að sjá)(guggugugugg) Það er einhver kall sem birtist alltaf af og til á yfirlitinu mínu. Núna hef ég borgað honum áttahundruð og einu sinni í sumar 250 og þaráður 300. Sumsé, birtist eitthvað nafn sem ég tengi ekkert við en EF ég geymdi allar kvittanir og væri ofboðslega anal vissi ég örugglega hver þetta væri. Eeníhú, það er bara einn svona kall í símaskránni og hann er sagður rafvirkjameistari. Whaddafug? Held'ann sé að pretta mig. En ef'ann væri að pretta mig, myndi hann skilja nafnið sitt eftir með svo áberandi hætti? Eða kannski vill'ann bara að ég hugsi svoleiðis? Brynka Munk is on da case.

Jæja. Hef aldrei nennt að lesa Arnald Indriða en vantaði eitthvað að lesa í baðinu í dag. Kláraði hálfa Bettý í baðinu. Vá, sú les hratt, gætu sum ykkar sagt. En ég segi: Hvurnig í fjandanum er hægt að vera svona lengi í baði? Þið vitið ekki hvað það er þægilegt að liggja lengi í baði. Meira að segja í svona pínu aggalitlu baði eins og mínu. Æi, vitiði ekki tilfinninguna? Vatnið er orðið kalt (sérstaklega undir bakinu, einhvern veginn) og þá teygir maður tána í kranann og lætur renna sjóðheitt vatn og aaaaa... mjög þægilegt. Sumsé. Ekkert líf, ég. Og nú segja sumir: haha, eins og þú sért sú eina sem er lengi í baði! Og þá segi ég: haha, jú hev nó ædí, meeeen. Ég hef sofið í baði klukkutímunum saman (og aftur segi ég, lítið bað, engin hætta á drukknun). Mig dreymir um stórt bað og svo gæti ég bara fengið mér svona púða undir hausinn og flotið um. Ég gæti bara búið í baðinu. Haft svona klósett-afdrep í því. (jökk, scratch that) Eða allaveganna drykkjabakka... hehehe... gæti svo bara þrætt upp þvaglegg og látið liggja yfir í klósettið. Aaalveg góð fram að stærri stykkjum.

Þarf að finna almennu sálfræði bókina mína, hana Gleitman, ætla að lána hana en er búin að lána hana öðrum... held Völu. Gleymi öllu svona. Jæja... hálftími í Gilmore... best að undirbúa sig og hita kaffi... jea.

Hey, er annars að selja KAFFI!!! Kaffi til sölu, kostar bara þúsundkall en þá færðu líka TVO eðal kaffipoka frá Kaffitári! :-) Og styrkir mig til Danmerkurferðar þar sem ég get farið í Hennis og Mauritz og einhverjar grúví búðir og litið vel út og þið vitið sem er að það lúkkar miklu betur að fara með mér út í fínum fötum en lörfunum sem ég á í dag. Eh? Hringið bara í mig: 867-3752 eða farið á coffeeslut.com og pantið...
ciao,
Bryndís
p.s. þarf víst að eyða laugardeginum á Flokkstjórnarfundi Samfylkingarinnar. Hví? Því ég er í Flokkstjórninni. Hví? Var ég ekki búin að segja frá masókista tendensunum mínum? Ögh.

Hæ þú. Nú er ég ekkert búin að blogga í fimm daga. Skammskamm. Varst'iggi farin/n að sakna mín? Bleah.

,,alkóhól-lausa" helgin mikla tókst nú ekki sem skyldi. Uhh. Ég ætlaði sko að sleppa djammi. Tókst vel á föstudaginn. Fór að sofa snemma úr leiðindum meir að segja. Eeeen á laugardaginn var mér boðið í mat til Gunna og Doju og þar voru líka Saga og Árni, Kobbi, Gunni Sig, Hrefna og Viggi. Sumsé félagar Gunna Reynis úr stjórnmálafræðinni nema ég, Árni og Viggi. Við vorum svona hangers on. Eða kannski bara svona fólk sem er fengið til að vera heavy skemmtilegt því ómægod við erum það.

Maturinn var hreint yndi og líka vínið. Úbbs. Fórum fyrst öll á Ölstuen og var það ágætt, svo ætluðum við á Sirkús eða 22 en náðum ekki lengur en á Kaffi List. Þannig voru ég, Doja, Gunni og Gunni Sig. að drekka Irish Coffee og tæta upp dansgólfið á galtómum stað. Úff, kann ég ekki að dansa. Dýfi sjálfri mér og reyni í sífellu að stjórna. Og ekki skánaði ég við áfengisneysluna. Sem er slæmt þegar maður er að dansa við einhvurn sem kann að dansa. Þurfti síðan að bruna heim sökum ofkæti og galt fyrir það allan næsta dag. Gúlp. Svona höfuð-oní-klósett þynnka.

Svo er bara komin aftur vinnuvika og í dag voru 6 krakkar frá... jeeeesss... það er nebbnilega mjög þægilegt að hafa bara 10-15 krakka í staðinn fyrir 21... gúlp. Mun rólegra. Svo er Pabbakvöld hjá Femínistafélaginu á miðvikudaginn næstkomandi! Allir að mæta, á Grandrokk (var þaggi Arnar?) klukkan átta... ég sendi fjöldapóst á alla...

Bæðövei þá fór ég í heilarit á föstudaginn og þar fundust nokkrir persónuleikar. (Vá, lélegur brandari). Ég var í góðu lagi víst en ég var hundfúl yfir því að fá 23 kremblúbbklessur í nýþveginn, ilmandi kollinn á mér. Hnuss. Og vera svo þvegin af nasistakonu með lélegu sjampói og engri næringu,
ó
mæ
goaaad.

Jæja, jæja... ennþá lifandi, haaaa... Djöfull er ég spæld. Loksins þegar ég fæ eitthvað dramatískt þá er það ekki eitthvað sem ég þarf að berjast hetjulega við og koma út sem sigurvegari. Neeei. Bryndís fær sjúkdóm þar sem hún sér asnalega og gleymir öllu. I do that already!

Jæjaaaa... að öllu gamni sleppt þá er ég með einstaklega myndarlega og djúsí augnbotna og því er ég bara heilaskemmt. Neeeei! (Held ekki)(Og þó)(Man það ekki!!!! Hahaha!) Hmmm... spörgsmál hvort ég eigi að eyða hundruð billjón kalli í segulómmynd eða bara ekki? Þyrfti eiginlega að tala við taugalækninn minn... en ég man ekki hvað hann heitir!! (Trommuslátt!)

Hmmm... er annars að fara að múnlæta á Hagstofunni við að bögga fólk, jea! Ætla að safna pening til þess að eyða pening í Danmörku. Köben, Köben, Köben... Þar sem við munum heimsækja leikskóla að deginum til eeeen eftir miðnætti læðumst við litlu tígurliljurnar útúr herbergjum First hotel paa Vesterbrogade og tjúttum til morguns! Anna Soffía er pottþétt á svölustu stöðunum og flottustu búðunum og ódýrasta bjórnum. Jea! Verðum alveg fra Onsdag til Sondag sa vi skal have noget time... Det lydter meget godt... men jeg snakker kein dansk... Úff. Annars hætti Lilja í vinnunni í dag. Lilja, við munum sakna þín, sniff, sniff :-(

Ég tók nokkra tengla útaf vegna þess að það kemur bara eitthvað bull og þeir virk'iggi! Set þá aftur inn um leið og ég get komið þeim í lag... sorrý Sverrir og Ernabeib á meðan. Tók Völu út því hún hefur ekki uppfært síðan aldrei. Sniff. Hvað segiði um minningardálk í staðinn? Æi, ég redd'essu.

Uu. Vondur dagur. Hann byrjaði ósköp venjulega, ég fer í vinnuna og svona. Fljótlega fer ég þó að fá svona ský fyrir augum og verð ringluð og allt í einu mundi ég ekki nafnið á neinum krakkanna. Bara alls ekki. Engum. Horfði á þau og gapti. Doja sagði: Já, Rakel er í útlöndum. Og ég hugsaði: Hver? Ég fór þá að hringja í pabba og Doja bað mig um að hringja í Önnu Soffíu í leiðinni. Ég var svona mínútu að fatta hver það væri, og það samt bara af samhenginu. Minnisraskið stóð þó fremur stutt, eða í 20-30 mínútur en svo var ég með einhverjar undarlegar sjóntruflanir, var hálfringluð og fékk hausverk. Pabbi sótti mig svo og við fórum upp á spítala þar sem ég var í allan dag í alls konar sprautum og myndatökum og viðtölum. Kastið tók þó ekki allt í allt nema 2-3 klukkutíma. Ekkert kom eiginlega í ljós. Einhver grunur um ódæmigert mígreni. Samt er enginn með mígreni í fjölskyldunni, svo það væri svolítið skrítið. En ég á að fara til augnlæknis á morgun og í segulómskoðun og eitthvað. Bleah. Ég nenni ekki svona. Gat ég ekki fengið bara illt í fótinn? Það er svolítið óhugnanlegt að missa svona úr minninu. :-/

Ætla bara að hvíla mig í kvöld. Sniff.

Er lífið ekki bara komið í hring? Held það bara. Sem er ágætt. Kominn tími fyrir næsta hring. Fór út með Steinunni á föstudaginn og það var svona þvílíkt rokna stuð. (Með minimal ógvuðsagðiégþettaviðþennan-komplexum) Eftir lokun á Sirkús fóru allir í allsherjar snjókast. Það var mjög gaman. Og ég er að dreeeepast úr harðsperrum. (Er samt fullviss um að ég sé í súperformi. Þetta eru kannski bara andlegar harðsperrur). Þá komst ég að því að allir þekkja alla á Ísalandi. Hey, svo var þarna snjóstormur. Ég elska snjóstorma. Þeir eru svo bestir.

Fór líka út í gær og við Helgan ákváðum að finna okkur Nýja Karlmenn en að hin hefði vetó á gaurinn og þá þyrfti hin að hlýða. Skill jú? Nei, örugglega ekki. Þetta var heldur ekki neitt rosalega að gera sig. Það birtust engir djúsí Nýir Karlmenn. Allt sama liðið mar. Og svo var Kyssa-Völlu leikurinn eiginlega miklu skemmtilegri. Það var góður leikur. Hitti Arnar, Fríðu og Kiddý og þau öllsömul og svo hitti ég líka Örnu litlu frænku mína sem er sætust í heimi. Og fullt af fólki þar að auki. Jea.

Meeeen, var að keyra áðan og datt svo margt sniðugt í hug til að blogga. En gullfiskurinn kicks in... Það er í raun ótrúlegt að ég fúnkeri sem manneskja. Farið nú að skrifa í gestabókina, mér þykir svo vænt um hana.

Hey, Nota Bene, nú eru þeir sem hafa skrifað í gestabókina fleiri en ég! Id est fjöldi utanaðkomandi skeyta eru fleiri en mín... hmmm...

Jæja jæja, mætti hálftíma og seint til Sivjar því ég þurfti að keyra múttu í vísindaferð (runsinthefamily) hjá Austurbakka en svo var það víst A. Karlsson eða eitthvað álíka... hmmm... þetta var víst hvort eð er bara kynning en ekki bjórtúr, en ég fékk þó smá Asti mar... Kópavogurinn mætti ásamt mér og fullt af snaróðum VG-um sem höfðu fullt af spurningum að vanda. Þoli ekki fólk með hundrað spurningar. Whatafuck.
Ædól í kvöld og opnun kosningamiðstöðvar Röskvu... ætli ég fari út? Á alla vega smá bjór... hmmm...

Tók próf sem sagði að ég muni giftast Elijah Wood. Weird. Get notað hann sem kokteilbakka.

Hey, já, ætla að kíkja til Bryndísar Hlö í kvöld og kjafta svoldið og svo, á morgun, fer ég í kokteil til Umhverfismálaráðuneytisins... ætla að drekka alla undir borðið!
(Ætti ekki að vera vandamál... soddan aumingjar í hinum flokkunum, og Dagga er svo ung að hún hefur ekki byggt upp nægilegt þol og Guðjón Egill er edrú) Vona bara að það fari enginn að tala um pólitík.

Oj, mamma eldaði fisk. Fiskur er ógeð. Ég myndi frekar borða lifandi skordýr en fisk. Og humar og þetta drasl! Þetta ER hreinlega skordýr. Oj, spáið í sporðdrekahala á humri, jöööööökk. Sjávarréttir sökka feitast. Ögh.

(Jú sí, þótt ég drekki eins og fiskur, þá drekk ég ekki fisk)

Jájájá, égveitégerlöt. Þetta var svona relapse. Því einu sinni hætti ég. En byrjaði aftur. Jæja. Róleg vika.

Fór á kaffihús á sunnudaginn með Þórunni, Álfdísi og Helgu (Þórunn er sgo nýkomin frá Ungverjalandi). Fórum á Tuttuguogtvo og horfðum á tvo útúrdópaða ógeðisgaura vera að ógna barþjóninum sem þeir sögðu að skuldaði sér og buðu honum í skottið til sín... svo hringdi einhver á lögguna og þá fóru þeir út og yfir á Sirkús. En löggan elti þá samt ekkert. Tók bara skýrslu og fóru svo burt. Sögðust vera að fylgjast með þeim en þeir voru ekkert að því, aumingjarnir atarna... Fór aftur á kaffihús á þriðjudaginn en þá var ekkert kallað á neina löggu. Kannski er Kúltúr bara betri staður með betra fólki á og allir eru hamingjusamir og þekkja ekki undirheima.

Hékk hjá Lovehill í gær sem er búin að ánetjast prótínsjeikum og saman horfðum við á Pretty Woman með Erlu. (myndin er með Juliu Roberts, auðvitað, en við horfðum á hana með Erlu, capice?) As if that one would ever happen. Og svo, af því að lífið er svo tilbreytingarsnautt, ákvað ég að fara barasta í hjólreiðatúr. Í Þingholtunum. Á gíralausu hjóli í kolniðamyrkri og hálku. Ég bý á brúnni.

Veit ekki hvort lífið sökkar svona yfir höfuð eða hvort það er bara ég. Er farin að hallast að hinu síðarnefnda. Held, eftir vandlega umhugsun, að ég sé bara nokkuð pathetic. Mér leiðist ég, for crying out loud. En, hey, hef alltaf bloggið til að lifa fyrir. Mhm.

Enn ein helgin liðin, og þessi jafnvel enn furðulegri en hinar.

Í fyrsta lagi...ég var í sakleysi mínu að ganga niður Túngötuna að hitta skvísurnar á Maru eða Moru eða það þarna rétt fyrir níuleitið í gær. Skyndilega heyri ég afskaplega kumpánlegt Hæ!... ég lít inn í garðinn þaðan sem hæið kom og hvað sé ég? Eða hvað sé ég EKKI öllu heldur. Þarna stendur gutti upp við skjólvegg með svarta ræningjalambúshettu á hausnum og vininn í lúkunum að runka sér á fullu. Ég var svo gjörsamlega hvumsa að það eina sem mér datt í hug var að segja: Oj bara. Haha! Hefði átt að segja: Djöfull ertu með lítið typpi, maður. En það hefði kannski verið dónalegt... (get it, get it?)(I have successfully mastered the art of the single entendre)

Í öðru lagi...
Fór ég á Hverfisbarinn og "Kjallarann" í gær. Haha! Svo það er þarna sem allt fallega fólkið felur sig! Ég er viss um að það á allt ljósa- og líkamsræktarkort og lagði hina krakkana í einelti í skóla.

Í þriðja lagi...
get ég eiginlega ekkert verið að blogga um. Sumt bloggar maður bara ekkert. Æi, hættuðessu tuði.

Fór sumsé út að borða með Gunnu, Lovehill og Ingu í gær og svo í samdrykkju heim til Gunnu og svo út og þar sem ég var í miklum minnihluta hvað skemmtistaðasmekk varðar þá enduðum við á fyrrnefndum stöðum. (ég stakk upp á Kaffibar sem málamiðlun en það var bara hlegið að mér) Svo fór Gunna reyndar snemma heim... með Illuga... veit alveg hvað þið voruð að gera! Ha, ha, ha! Winkwink, nudgenudge! Og Inga fann vinkonur sínar og Ásthildur vildi heim svoooooo... stelpan skoppaði bara yfir á Ellefuna og þambaði bjór með Ólöfu, Rögnu og Allen. Mikið eru útlenskir strákar kurteisir. Eruði svo hissa á að konur hözli útávið? Ég sé nú allavega ekki marga íslenska stráka bjóða stólinn sinn eða, let's get freaky, kaupa bjór handa manni. Tsjípass moðerfökkers alltafhreint. Eða leita ég bara uppi karlmenn sem virðast ekki hafa efni á klósettpappír og nota bara mosa í staðinn? Hmmm...

Einn (íslenskur) gaur, haha!, þambaði bjórinn minn viljandi og drap svo sígarettu í restina. Og var svo ýkt hissa að ég vildi ekki fara heim með honum.

...eða kannski er þetta bara ég...

Það er afturkomin vinnuvika. Djöfull sökkar lífið. Ef það væri ekki svona djeskoti fyndið í ömurleikanum þá væri ég búin að hoppa fram af Esjunni. (Mundi ég kannski bara rúlla?) (Vó, major garnaflækja maður) Held ég sé samt að nálgast það að vera mest pathetic manneskjan á Íslandi þessa dagana. Heyr, heyr.

Núna er Sólrún farin. Fór og hitti hana ásamt flestum meðlimum Aminu/Animu og þóttist skilja vandamál eins og þegar fjólublá, plexiglas rafmagns-selló brotna. Eina sem mér datt í hug var: það datt skrúfa úr flautunni minni. Hljómar ekki eins kúl. Drukkum rauðvín á Kaffibarnum, namm.

Ég átti víst ekkert eins mikinn pening og ég taldi. En samt smá. Fór líka með dósir í Sorpu og svona (mamma safnar og telur, ég hirði peninginn... góður díll?)... smá peningur þar... held víst að ég sé eitthvað að vinna fyrir Hagstofuna í gegnum Fríðu... (hvenær var það aftur, Arnar?)

Veit hvað ég ætla að kaupa mér næst!!!
Jea! Watcher's Guide 1 og 2 í pakka! Jea, beibí!

Karíus og Baktus þola mig ekki. Grrrrah. Skell skell í tönnum og ligga ligga lá. En fyrir utan það er ég að breytast í hípókondríaskann sjúkling... hvað er húðin mín annars að spá? Ætli hægt sé að fara í húðskiptingu? Arrg, klór, klór. (Úps, sumsé búin að svíkja áramótaheitið) OOOOOG það er að vaxa BEIN útúr öklanum mínum! Bein! Bara rétt sisvona!
(Nenni samt ekki að vera hípókondríösk. Er líka með ónæmiskerfi fíls eftir allan subbuskapinn í gegnum árin)
(er samt snyrtilegri en ég var, Herre Gud!)
(ég á ekki við um líkamlegan óþrifnað, heldur herbergislegan, ehemm... bara að hafa þetta á hreinu, engin stínkí pú ég)

Úíú! Flatbaka í matinn, himnar eru til. Fer á framkvæmdarstjórnarfund og svo að hitta Steinunni á kaffihúsi... á ekki að mæta fyrr en NÍU á morgun...

Ég vil vera mounty og tölta um á risastóra og mjóa útlenska hestinum mínum um óbyggðir Kanada. Svo kæmi ég í bæinn einu sinni á ári til að fara til tannlæknis og væri þá hissa á öllu fólkinu og byggingunum og skildi ekki af hverju fólk er alltaf að tala við sjálft sig (hefði þá væntanlega misst af handfrjálsu byltingunni).
Meika stundum ekki fólk. Miklu betra að fást við bjóra og elgi. Svo væri ég örugglega soldið brún á þessu. Verst hvað Kanada er leiðinlegt land.

Hefði ef til vill átt að monta mig aðeins meir af nýju 8-16 vaktinni minni í gær. Annar dagurinn með átta mætingu og hvenær mæti ég? Hálf tíu auðvitað. Annars liggur vel á mér (svaf náttúrulega út og svona) og ég held það fari bráðum að hlá af bláa fáknum og get ég því farið að þeysast um bæinn. Ólíkt því sem margir virðast halda er alls ekkert svo galið að hjóla í hálku. Eða kannski er það bara ég, verandi svona livin' on the edge týpa. Þetta segi ég mér.

Hvað er samt með föt? Ég skil ekki föt og þau ekki mig. Stend núna í þurrki á þvotti með all-nýstárlegum hætti. Þ.e. að hann liggur í hrúgu á borði og ég sný honum 1-2 á dag svo hann mygli síður. Ach, fötin mín eru hvort eð er öll blettótt eða rifin.
(sagði ég ach?)

Kvöldið hjá Völu var mikil snilld og kjöftuðum við þrjár (Sólrún líka sko) fram eftir nóttu like it was 1993. Erum fokk gamlar. Annars fer Sólrún aftur til Rottustíflu á fimmtudaginn. Urrg. Og Kolli fer til Oxford á morgun og ég næ því víst ekkert að hitta hann eftir allt saman.

Hey, ú, planaði djamm með Gunnu, Lovehill og Ingu á laugardaginn. Mun því dusta rykið af háu hælunum og draga fram mínípilsið. Eða gullkjólinn. (Þegiðu, þú átt engan gullkjól) Glamúr mar!
Ég, incidentally, djamma ekki nóg.

Vil peninga. Þeir væru ekki rót alls ills ef ég ætti þá alla. Í versta falli gulrót alls ills.

Er komin með nýársheit: Hætta að klóra mér. Ætti að geta gert það. (engar áhyggjur, það er ekki þar sem ég klóra mér...)
(skárra en: Your mission is to pop Britney's cherry, sem ég fékk út á netinu)

Hey, þið sem voruð að væla yfir gestabókarleysinu mínu... hvernig væri að láta í sér heyra þá? (Þessar skammir fá allir nema Guðrún. Guðrún er góð. Og einhver sem er feiti gaurinn í sjónvarpsþáttum. Hmm.)

Arbeit macht frei, oder was? Hversdagurinn aftur tekinn við og bara geisp að segja um það. Mætti 8 í morgun. Er ofurhetja. Bara mjög gott djamm um helgina og mér á óvart kemur í ljós að ég á ennþá peninga! Lenti í nokkrum trúnóum á Sirkús... fyndnastur var þó gaurinn sem var alveg á því að við hefðum sofið saman...

Ég og Helgan vorum í eftirpartí hjá honum einu sinni og mér tókst þá að móðga hann svo svakalega (í gríð og erg, hann var mjög sensitívur... enda var hann nývaknaður eftir að hafa drepist á barnum á Sirkús þá... og stelpa hélt á honum út!)(önnur saga).

Því var ég svolítið hissa þegar hann heilsaði mér svona avsgabblega vel á barnum... bauð mér sæti og þakkaði mér æægilega vel fyrir síðast... eflaust fundist ég taka skringilega undir því hann fer að spyrja mig hvort það hafi nú ekki pottþétt verið ég sem hann svaf hjá þarna fyrir ofan Ármannsheimilið... eða hvort það væri kannski systir mín (held nú ekki, ráðsett daman sú)... hehehe... svo seinna kom hann til okkar Helgu uppi og hváir: Hverjar eru nú líkurnar á að þið þekkist??(uhhh... allar?) Þá varð hann ógeðslega vandræðalegur og sár (ok, ég svaraði e.t.v. eilítið kaldhæðnislega) að hann fór út um gluggann og upp á þak. Hmm.

Svaf í gær heima og að heiman og svaf og svaf og svaf og eldaði stórmáltíð (það mætti halda að ég kynni að elda af blogginu að dæma) og horfði svo á Witches of Eastwick um kvöldið. Jea.
Myndin sú rokkar ansi feitt barasta. Góður dagur.

Ætla að horfa á Annabelle partagée (geðveikt frönskuflipp þessa dagana, fer vonandi bráðum að missa Québeska hreiminn :-S ) og fara svo að hitta Sólrúnu og Völu á rauðvínskvöldi. (Úff, ég er svo menningarleg. Menningarlegust. Er einni opnun og tveimur konsertum frá því að gerast menningarviti)
(neeee)

Ókei, meira um mig: Ég er 87% súperdúper besti vinur og er því betri en 90% þeirra sem tekið hafa prófið.... nana nana búbú... Ég dey líka 75 ára gömul og samkvæmt Thespark.com er ég karlkyns. :-( Meeeen, this might explain A LOT

Meeeeen, hvað ég er pathetic? Ég er Móðir Teresa sem stjórnmálamaður og Schindler's List sem kvikmynd... are you shittin me? Im not that nice! Really! Ögh.

What Classic Movie Are You?

Bloggar Bryndís á froskamáli? Nei, það held ég nú ekki! Bara drukkin, kannski... tala bara frönsku full... ne gé itæg ðiraf ða afirks kabárutfa. Fe rukky ratnav áms ugnityerbilt. Ðiggolb iðry ðamór ggolb-kabárutfa. Held allaveganna að ég sleppi frönskunni, málfræðin ekki að gera sig heldur... hmmm... Er búin að hafa það gott í fríinu... tjilla með vinum og vinkonum og snúa sólarhringnum við. Tók smá Austen pakka með Völlu... alltaf gott. Horfðum á Persuasion, sem er alltaf sama snilldin. Var ein heima í gær og við héngum (hengum? Aftur kemur ng-nk mér í bobba!)nokkur hjemme áður en við kíktum út, fyrst á Ölstofu (troðin og loftlaus að vanda) og svo á Sirkús (troðinn og loftlaus að vanda)... Doja og Gunni fóru þá reyndar... hitti Vigga auðvitað og Kiddý (stunduðum niðurrifsstarfsemi saman) og Bjarna auðvitað og bara og og fullt af fólki. Var orðin þreytt og lúin undir það síðasta (ókei, og ef til vill ölvuð).

Úff, er alveg að nauðga Cörlu Bruni disknum. En hann er svo þægilegur, ég get ekki hætt, get ekki hætt! Aaaarg! Svo hressir þetta skemmtilega upp á frönskuna (ekki að það sé að marka af frönsku fyrra bloggs)...

Quand tu es prés de moi,
cette chambre n'a plus de parois.
Mais des arbres oui, des arbres infinis.
Et quand tu es tellement prés de moi,
c'est comme si ce plafond-lá,
il n'existait plus,
je vois le ciel penché sur nous...
Qui restons ainsi,
Abandonnés tout comme si il n'y avait plus rien,
non plus rien d'autre au monde et j'entends l'harmonica...
mais on dirait un orgue,
qui chante pour toi et pour moi.
Lá-haut dans le ciel infi,
et pour toi et pour moi.

Ætla að elda dýrindis máltíð og var svo búin að lofa Helgunni eðaldjammi þar eð hún er í fríi á morgun. Þema kvöldsins? Enn óákveðið, en svagalegt verður það! Jea! Ætti ég kannski að bjóða í kjallarann? Míní-teiti á holuvísu? Hmmm... Veiddiggi hvort ég nenni...