Ai Caramba
Kiefer Sutherland er á landinu!
Hugsa sér.
Þrír dagar af vinnu í viðbót. Merkilegt hvað maður missir vinnuþol við þriggja mánaða skólagöngu. Ég er bara búin á því.
Hvað á maður að gera á gamlárs? Hugsa ég taki bara grilljón dvd/video myndir og borði fullt, fullt af nammi. Kósí bara.
Nema þú hafir betri hugmynd?

Lok, lok og læs og allt úr stáli... allt bara lokað í gær og líka til miðnættis í kvöld. Hvað er að verða um þetta samfélag? Tja, heimurinn versnandi fer.
Er að standa í LÍN málum. Sjaldan sem maður sótbölvar afturgreiddum launahækkunum, en að þessu sinni fóru þær nokkuð illa með mig, hvað námslán varðar.
En, jæja, svona er lífið.
Er að hlusta á Ragnheiði Gröndal. Afar ómþýð, telpan.

Get ég farið á kaffihús á miðnætti ef ég á að vinna klukkan níu??
En ef ég legg mig til miðnættis???
Hmmm.
Ég væri náttúrulega ekkert að drekka...
að ráði...

Jólanótt. Nei, nóttin eftir jólanótt. Er búin í jólaboði og er að fara út að djamma með Helgu frænku... samt var þetta föðurættarpartí... hitti öll föðurættarfrændsystkynin áðan og þau búa bara öll í Köben, eða flest, samt ekki öll, jájájá.

Strákar unnu stelpur í Pictionary en það munaði samt afar mjóu. Strákarnir eru líka flestir að deyja úr Gettu betur keppnisanda (you know who you are) svo það er eins gott að leyfa þeim bara að vinna... ehemm...

Klára rauðvín, stefna á Kaffibar...

Ciao

Gleðileg jól!

Hó hó hó.

öllum jólaundirbúningi lokið í tæka tíð og ég náði meira að segja að fara á djammið á Þorláksmessu, sem ég hef ekki gert síðan ég var sextán ára gömul sem táknar að það er meira en áraTUGUR. (orðin sturluuuuð,orðin þrítuuuug)(nautsj, er ekkert orðin þrítug, bara 27). Held það hafi samt verið betra í þetta sinnið OG ég er ekki eins þunn... hahahæ.

Meika ekki alveg þessar vemmuplötur sem er verið að gefa út, og þá einna helzt Pál, Jón og Clay. Einu sinni var Páll mesti töffari í heimi og ég og Gunna fórum á Jet Black Joe tónleika í Hinu Húsinu og það leið næstum yfir okkur af ungæðingslegri hrifningu þar sem við stóðum fremstar við sviðið. Þá vorum við 14 ára.

Og hvað er með íslenzku dívurnar?? Þarf maður ekki að hafa selt svona eins og nokkrar milljónir af plötum og öðlast heimsfrægð (eða a.m.k. íslandsfrægð) áður en maður fer að kalla sig dívu??? Rólegar með egóið.

Vona að þú eigir nú góð jól og ekki vera fúl(l) ef þú færð ekki jólakort og ef þú færð jólakort þá er það falsað því ég sendi engin jólakort.

Joyeux Noel!

Æ, maður, vá. Nýbyrjuð að vinna og þá fæ ég magapest. Grrreat.
Er bara búin að vera lasin í allan dag og liggja upp í rúmi.
Og svo er myndasíðan mín að eipa og ég virðist ekki geta sett nýjar myndir inn á hana (þótt að imbaþolna, sjálfvirka forritið sýnist með öllu hið sama).
Og ekkert áhugavert í sjónvarpinu nema Six Feet Under, en ég missti af því.
Og ég vona að Skjár Einn fari á hausinn fyrir að kaupa fótbolta. Eins og það sé ekki nóg af fótbolta í sjónvarpinu fyrir?? Hrumph. Fokið er nú í flest skjól.

Nobody knows the trouble I've seen
Nobody knows my sorrows...

Æ, mikið vorkenni ég mér.
Best að hætta því núna.
Fer að lesa í staðinn.
Hey, var ég búin að segja að Sigga og Marc eru komin?? :-D

attikattinóa
byrjuð aftur á leikskólanum
bara eins og maður hafi aldrei hætt, haaa?
Voða gaman að hitta alla aftur
Fór svo aðeins út um helgina, hí hí...
fór með Helgu og hitti Önnu Soffíu og Kollu á Sirkús og hitti svo fullt, fullt af frónverjum öðrum.
Rosalega gaman, tíhí...
Fór svo á aminu tónleika í 12 tónum á laugardaginn,
allir að kaupa nýja diskinn :-) Hann fæst í 12 tónum og líka gegnum heimasíðu Smekkleysu.

Svo eru bara að koma jól
(er einhver að taka eftir því að ég hef nákvæmlega ekkert að tala um?)
Jæja, jæja...
Sigrún ætlar að lána mér síma, svo ég verð eflaust komin með gamla númerið á morgun eða hinn...
Þá geri ég nú ráð fyrir að allir hringi í mig, ha, haaa?

Ætla að setja fullt, fullt af nýjum myndum á netið...

Home Sweet Home

Komin heim á Hávó!
Enn er nokkuð óvíst með gsm símamál hjá mér, þannig að best er að ná í mig í heimasímann 551 2692 eða senda sms í 00 44 789 99 88 609...
ég hef engin númer því öll númerin voru inni í gamla símanum... sjáum hvort ég get komið kortinu í annan síma.
Ég fór með Ransý að sækja Ernu á leikskólann og það var rosalega gaman, hún mundi sko alveg eftir mér. :)
Núna er mútta að elda lasagna, pabbi búinn að redda nettengingunni fyrir mig og á eftir ætla ég að kíkja á Gunnu og nýja barnið og svo kannski á kaffihús eða eitthvað...

Ég er ekkert smá fegin að anda að mér fersku frostlofti og sjá smá snjó á jörðunni.

Það er alltaf skrítið þegar maður er búinn að pakka öllu niður og er bara að bíða eftir því að fara í flugvélina. Vona að ég sé ekki með of þunga tösku (Er með svo mikið af gjöfum og þungan kassa af geisladiskum. Gúlp. Af hverju fann ég ekki bara eitthvað sniðugt fjaðurskraut handa öllum?)Þarf ég að taka úlpu og jakka með ef ég fer í kápunni minni? En ef ég tek bara kápuna þá á ég ekkert til varnar frosti og kulda, kápan er þess lags að ekki get ég verið í þykkri peysu undir henni. Hmmm. Erfitt. Erfitt, erfitt, erfitt.
Ég skrifaði nokkur jólakort í fyrsta skiptið evör. En þau fóru nú ekki langt, bara til samleigjenda minna. Einhvern tímann sendi ég jólakort á alla. Það er óþægilegra með hverju árinu sem líður að sitja undir jólakortalestrinum á aðfangadag. Samviskubit dauðans.
Jólakort eru samt eitthvað sem maður sendir þegar maður er fullorðinn og ekki er ég fullorðin. Er það? Ég er allaveganna ennþá í skóla?

Meeen, kemst ekki yfir þetta með Júsénkó... óttalegt er að sjá greyið. Bendi á samanburðarmyndir á mbl.is, 12. desember, teknar með fimm mánaða millibili.

Fann alveg fyndna heimasíðu í gegnum bloggið hennar Hugrúnar.
Spáðu í því ef þú myndir kynnast einhverjum gaur sem virkaði bara semi normal og svo segði hann þér að hann hefði heimasíðu og... daddaraaa... http://www.string-emil.de
Grrr... tígur. Ú.
Mikið var gaman á Saatchi í dag. Mig langar aftur.
Geri það kannski bara. Bara seinna. Þegar ég kem aftur.
En núna ætla ég að fara að sofa. Verð að vakna snemma og þrífa. Lána herbergið mitt henni Masuma í jólafríinu. Masuma er vinkona Sairu sem býr í Brighton og ætlar að vera í London um hátíðarnar. Nei, ég ætla kannski ekkert að þrífa neitt rosalega mikið... ryksuga kannski... hmmm...
Á núna rosalega flott pils sem ég fæ frá foreldrunum í jólagjöf. Það er svo fallegt. Eins og sólarlag eða norðurljós. Bros frá ungabarni, einhyrningar, ástfangið fólk að leiðast eða strengja-Emil. Eða eiginlega bara ennþá fallegra.
Góða nótt.
(I believe in miracles, since you came along, you sexy thing)

Setti inn nýjar myndir bæði undir skólann og vini og vandamenn...
Djamm á Brick Lane, bekkurinn á kaffihúsi, bekkurinn minn á bar (more like it), heimsóknir í eldhúsið og Steinunn í London...
Núna ætla ég að kveðja nokkra vini og borða sænskar piparkökur og koma svo heim aftur og hafa það kósí með Sólrúnu og Sairu og Kostas og drekka rauðvín og borða minced pie...

I'm a comin home
Kem heim á morgun... eða eiginlega hinn því ég held að ég lendi ekki fyrr en eitt... sýnist það á icelandair.is... hmmm...

Búin að verzla fullt af jólagjöfum og líka búin að fara á Saatchi (bara til bolur í small og med Gunni, en ég tók med, hann var líka ókeypis:) en klikkaði feitt á Hayward planinu og missi þar með af sýningunni sem ég hef ætlað að fara á í tvo mánuði núna. Jæja. Win some lose some. Í þessu tilviki win sore feet lose great show. Geðveikt depressing gella eitthvað, haha.

Hmmm...

Það verður bara erfitt að skilja Sairu og Kostas eftir hérna á Bretlandi, en Sólrún kemur þó allaveganna heim með mér. Arnar fór á hinn bóginn til Noregs. Sniff.

Helgan mín sækir mig svo á flugvöllinn :)

See ya

Buin ad skila af mer ollum verkefnum fyrir thessa onn. Mikid afskaplega er jeg fegin.
I gaer for eg med Solrunu ad na i geisladiskinn animaminu med aminu! Klikkad flottur diskur! :) Erum bunar ad sigta ut gallada og rada fallega i kassa fyrir heimflug.

Svo syndi jeg myndina mina i tima i dag og hun var ekki verst! Sat allan timann a medan eg beid eftir ad min yrdi synd og horfdi a hinar myndirnar. Og folnadi og folnadi. Var svo alveg buin ad sannfaera mig um ad myndin vaeri svo hraedileg ad mjer yrdi sparkad ur kursinum. En svo var bara allt i lagi. Glimrandi finu lagi. Hi hi hi. Er i skyjunum.

Er svo ad fara ad hitta Steinunni nuna og a morgun er party i mannfraedideildinni og lika i husinu minu... er farin ad drekka svo litid ad thad er miklu odyrara ad fara a fylleri en adur! Ha ha hae.

Jæja. Nú er ég búin að klippa myndina að mestu (myndina... 5 mínútna æfingarmynd...)...
og er alveg í skýjunum. Það er gaman að klippa. Gaman, gaman, gaman! Virðist þó sem ég sé sú eina sem hafi gaman af því. Mér er sama. Kláraði 95% af klippingunni í dag og þarf bara að fínpússa í fyrramálið. Gaman.

Horfði svo á Rosencrantz and Guildenstern are dead eftir Tom Stoppard aftur. Hún er snilld. Hún er argandi, gargandi snilld. Mér finnst hún ein fyndnasta og sniðugasta mynd sem til er (Tilvalin jólagjöf, hint, hint). Hef ekki séð hana síðan ég var fjórtán ára (þá líka með Sólrúnu sem sofnaði í það skiptið)(Ekki núna samt).

Og það er ekki bara vegna þess að ég er yfirmáta hrifin af Tim Roth og Gary Oldman. Held meira að segja að ég hafi ekkert verið sérlega yfirmáta hrifin af þeim þegar ég var fjórtán. Eða, jú, Gary Oldman kannski. Mig langar að hringja í Tom Stoppard og bjóða honum í heimsókn. Haldiði að hann myndi koma?

Sigga hringdi áðan og hún kemur heim um jólin, þvert á það sem við héldum! Það verður gaman í desember. Hálfgert frí svona. Eða eiginlega bara frí. Ekkert hálfgert neitt.

Jæja. Vil ekki lykta meira. Fer í bað.

p.s. ætla að reyna að sjá Eyes, Lies & Illusions í Hawyard Gallery áður en ég fer heim og líka að fara í Saatchi. Þetta eru ekki of fjarstæðukennd takmörk og með vilja, eljusemi og dugnaði ætti ég að ná þeim.

Bryndís Bergmann hér.
Nei, djók.
Bryndís Minelli.
Neee...
Bryndís Gardner. Oj. Nei.
Nielsen er að gera mynd um Sumarliðadóttir.
Hún er svo sæt.
Sumarliðadóttir, sko. Veit ekki alveg með myndina. Kemur í ljós eftir klippinguna.

Sigrún, systir hennar Sólrúnar, var að vinna rosalega flotta arkitektúrakeppni í Hollandi!! Hún er rosalega klár og dugleg. Og einn af dómurunum er formaður arkitektúrafélags Hollands. Þetta er ekkert smá frábært.

Í gær fór ég út að djamma. Fór á Brick Lane með Önnu og Kati og fleiri krökkum, svo komu Gudrun og Caroline og Chiara og það var rosa fínt. Fórum svo á beyglustað. Namm. Og núna hef ég farið í næturstrætó í Lundúnarborg. Alltaf lærir maður eitthvað nýtt.

Núna erum við Sólrún að skrifa kort til Siggu. Sigga er ofurklár. Hún er við nám í franskri lögfræði OG alþjóðalögfræði. Ekki blandað þægilega í einn graut, heldur í tveimur fullum námum, svo að segja. Við segjum henni í fallegu korti að hún eigi að læra minna og koma meira til okkar í heimsókn. Maður verður að gefa gráu heilasellunum frí til Bahamas af og til. Eða til London. En til þess verður maður að fara með þeim. Það hjálpar ekkert að setja þær einar í frí. Það gæti líka orðið svolítið gorí og hefur ekki langlífi í för með sér.

Ég er að lesa ævisögu Judy Garland sem Arnar gaf mér. Bókin er ansi skemmtileg og áhugaverð. Greyið konuræfillinn, það er nú ekki hægt að segja að líf hennar hafi verið skemmtilegt, þótt vissulega áhugavert.

Ég vildi óska að ég hefði nú komist í fóstruboðið hjá Elínu, Anna mín, við hefðum getað svo gert eitthvað klikkaðslega skemmtilegt eftir á! En gerum bara eitthvað klikkaðslega skemmtilegt þegar ég kem heim í staðinn. Hí hí hí.

Er að fara út á vídjóleigu og svo ætla ég að taka Sólrúnu upp að elda og borða. Klára svo að taka útisenur á morgun, þegar það er ljós, og smá bókasafnsbút. Þá er þetta komið.

Steinunn er að koma svo á morgun og verður í viku! Gistir reyndar ekki hér, dreg hana með mér að versla fyrir jólin eftir miðvikudaginn (þegar sýningin á myndinni minni fer fram... gúlp!)...
Hvað viltu fá í jólagjöf?

Halló halló, búin að búa til storyboard fyrir myndina mína og tökur fara fram á laugardaginn. Svaka spennó. Núna er ég að fara á Bridget Jones, endimörk skynseminnar, með stórum kvennafans. Stórum skandínavískum kvennafans. Það vantar bara dana. Hvar eru danir í skólanum mínum? Ég held ég hafi bara ekki rekist á einn einasta. Ætli ég sé bara ekki það næsta, verandi áttundabaun eins og einhver snjall orðaði. Hmmm. Og svo er hún Sólrún næsta dönsk, hafandi dvalist þar langtímum. Áðan kom kall að hreinsa viftuna á baðinu mínu og hann var alveg eins og annar Klaufabárðanna. Ha ha. Með húfu og allt.

Húsið mitt er bara undir sífellum árásum. Það er alltaf verið að brjótast inn. Á síðustu 2 vikum voru gluggar brotnir á jarðhæðinni og fartölvum stolið í tvígang. Þá var stúlka vör við það um miðja nótt að langur handleggur (herra Kitlinn)(haha) teygði sig inn um hálfopinn gluggann og var að grípa eitthvað um. OOOG einhver reyndi að brjótast inn í íbúð á annarri hæð, en gekk illa. Ég er ansi fegin að vera á fjórðu hæð. Og svo lokast útidyrahurðirnar ekki almennilega svo maður þarf að toga sérstaklega í þær og það eru ansi margir sem gera það ekki og því er nokkuð auðvelt fyrir glæpahyski og fúlmenni að strolla bara inn um aðaldyrnar.

Hnuss. Ætli það sé nú. Hey, svo var strákur að labba hérna á New Cross Road og var að tala í gemsann þegar einhver kom bara hlaupandi, reif af honum símann og hvarf! Eða, öllu heldur, hljóp í burtu. Um miðjan dag. Sá hlýtur nú að hafa orðið hissa! Ég er eiginlega hætt við að afboða trygginguna á símanum mínum.

Mikið hló ég nú að Guðmundi Steingrímssyni í Víðsjánni. Hann var að tala um afturhaldskommatittsflokks-babblið í Davíði. Hann er ansi fyndinn. (Núna hlustar maður bara á RÚV, sko. )