Jabbadabbadú. Það er kominn miðvikudagur. Hvað fleira get ég sagt?
Jú, ég mætti á glæsilegan stjórnmálaskóla Samfylkingarinnar í Top Shop og það var barasta fullt út úr húsi. Jei, við!

Ooooog... hmmm... já, kíkti á "bókamarkað" Máls og menningar (ergo allar bækur sem ekki seljast eru seldar á hálfvirði), keypti eina bóók... tjaaaa... ekki mikið um það að segja (ég er sökker, ég held hún sé ekki einu sinni góð, ég get bara valið góðar bækur á bókasöfnum. Er krónískt lélegur kaupandi.)
Hei, það kíktu FJÓRIR á bloggið mitt í dag... stórkostlegt þið þarna úti. Þið ættuð ef til vill að íhuga að stofna aðdáendaklúbb? Ekki vitlaus hugmynd, haaaa?
Dæraræ... þarf að ná í laptopið mitt (fallega fallega ferðatölvan mín... verst hvað hún kann bara hollensku... jæja, það er svo sem alltaf gott að læra ný tungumál) og vingsa þar út pre-spurningalistann fyrir ba-rannsóknina sem ég er að gera og senda Arnari listana OG láta nokkra fá spurningar... hmmm... eru einhver fórnarlömb til í verkið?
(ætti kannski ekki að kalla þátttakendur fórnarlömb, gæti virkað neikvætt...) (þess vegna verð ég aldrei Stóra Vond, ég er of gagnsæ)
(Kannski næ ég Litla Vond... hvað haldiði?) (hvað þyrfti ég að gera til að vera Litla Vond? Ef það nægir að skila ekki bókasafnsbókum þá er ég DEFFINITELY inni)

Annars hefur þetta verið frekar róóleg vika... fundur á mánudaginn, ba-vinna í gær og svo stjórnmálaskóli í dag (jejeje, ókei, ég fór eftir hálfleik...) Þarf að muna að kjósa á morgun og fá afrit af einkunnunum úr HÍ á ensku, e.t.v. líka einkunnum úr MR. :S Af hverju sagði mér enginn að læra í háskólanum? Það hefði gert einkunnaspjaldið mun glæsilegar. Helv. pólitík. Urrg. :( (gott að kenna einhverju öðru um en eigin leti)

Bæjó

Enn einn sunnudagurinn kominn. Nett sambland af þynnku og beinverkjum (görlís, jú nó!) gerir daginn tilvalinn fyrir umfangsmikið sælgætisát og sjónvarpsgláp, enda ætlum við Gunna og Ásthildur að hittast til að þynnkast saman núna á eftir. Löng setning. Jæja. Var að fatta að það er linkur af politik.is yfir á þetta vesalings blogg. :S Jæja... það er ekki eins og ég hafi orðstýr að verja... hehe.
Annars var föstudagurinn ofboðslega erfiður, þegar jarðarförin hans afa fór fram. Eftirá var boðið til erfidrykkju í Ými og síðan fór fjölskyldan til ömmu og við borðuðum öll kvöldmat saman (9 börn, trilljón barnabörn og slatti af barnabarnabörnum...)

Á laugardaginn var útskriftarveisla hjá honum Kolla vini mínum, og var þar vel veitt. Ljúffengt lasagna og gott rauðvín... :D very good, þar hitti ég líka Erlu Rún, Dodda og Guðrúnu, Bryndísi, Bryndísi og Hákon og fleiri. Síðar hittumst við þónokkur heima hjá Kolla (hehe, ég mætti með possí-ið mitt.. ég á possí)(samt ekki). Öhm, mætti sumsé með Völlu, Erlu Rún og Dodda og síðar komu Dísa vinkona og Gunna vinkona. Haldið var svo á Ölstofuna sem virðist vera orðinn ansi ellismellinn og þaðan á Kaffibarinn. Þar stungu Gunna og Valla af, héldu á grösugri lendur á hæðum Hverfisbars, en við Dísa vorum eftir. Svo tölti ég yfir á Celtic. Allt í allt var þetta bara ágætis djamm og ég uppgötvaði Bacardi lemon í spræt (sem er ofboðslega gaman að segja, prófaðu: ég ætla að fá EinfaldanBacardiLemoníSprite) (þetta er næst á eftir Sykurlausumrauðumrisaópal) (auglýsi hér með eftir lífi)
Geisp, ætla að fara að horfa á Judging Amy... ;-)

Jæja, er aftur orðin netvæn. Helgin og vikan hafa verið snarbrjálaðar með ótalmörgu að gera. Svona fjórtán stunda vinnudagar (með rannsóknarvinnunni og ba-vinnu og Samfylkingarfundum sko... Leikskólar Reykjavíkur ekki alveg orðnir svo miklir þrælapískarar) en í dag fór ég snemma úr vinnunni til að fara í kistulagningu afa. Jarðarförin er síðan á morgun. Ég kvíði svolítið fyrir.
Þarf núna að húrra mér í bað og gera mig tilbúna fyrir kistulagninguna.
Jú, einar gleðifregnir.
Ég, Gunna og Ásthildur erum búnar að panta og borga inn á ferð til Barcelona (ein af mínum draumaborgum!!!) frá 10.-17. júlí næstkomandi. Við munum gista í hótelíbúðum í göngufæri við miðbæinn (eða einn af miðbæjum? Huge borg náttúrulega... þarf að kaupa mér svona imbabók með korti og svoleiðis...). Bíútífúl!!! Ég hlakka ekkert smá smá smá til að sjá loksins loksins hina ókláruðu dómkirkju Gaudi, ætli það sé einhvurs lags Gaudi-túr til?? Svo er náttúrulega Picasso safnið og fjöldi annarra brill. safna. :-DEnníhú,
ciao.

Heeeey!!!! Lóa litla og Raggi fá þúsund kossa fyrir að skrifa í gestabókina!! :D

Vá.Sniðugt að hafa teljara. Það skoðuðu 42 síðuna mína í síðustu viku... meðaltími hverrar heimsóknar er 0:13... ég held það tákni frekar þrettán sekúndur en mínútur... ef þú hefur skoðun á málinu geturðu skrifað í GESTABÓKINA (frekar erfitt að skrifa í hana greinilega).

Laugardaginn klukkan tvö voru allsherjar mótmæli gegn stríði og mættu Ungir jafnaðarmenn í umvörpum með trilljón billjón skilti :) UJH, UJR og UJsuð voru með eflaust eitthvað á fjórða tug skilta samanlagt... hé hé... heyrði að VG hefðu verið svolítið fúlir yfir því að skiltin væru merkt. Ó, vell... he he... Mótmælin voru ótrúlega fjölmenn og vel heppnuð. Þau hófust á Ingólfstorgi og þaðan var gengið að stjórnarráðinu og svo að bandarísku og bresku sendiráðunum (mjööög heppileg staðsetning á þessu öllu saman). Stemningin var mögnuð þrátt fyrir grenjandi rigningu.
Kaupum ekki olíu fyrir blóð! Ekki stríð, Davíð!
...var þó greinilega í minnihluta hvað NATÓ stuðning varðar...

Æjæj, verð að fara að rannsaka og ljósrita og kaupa og reyna að heimsækja Ransý, Hlynsa og títluna. Ciao.

Ég veit ekki alveg hvernig á að skrifa núna, hausinn ekki alveg í sambandi. Afi dó í gær eftir löng veikindi. Sem betur fer náði fjölskyldan að kveðja hann, en við fengum boð aðfararnótt miðvikudags um að honum færi mjög hrakandi. Hann dó svo rétt eftir fimm um eftirmiðdaginn. Um kvöldið var haldin smá kveðjuathöfn. Kistulagning og jarðarför fara svo fram í næstu viku, líklega fimmtudag og föstudag.
........
Fyrr um vikuna átti Krummi frændi litla stelpu, sem nefnd hefur verið Áróra Vera. Vera í höfuðið á afa, Hlöðver. Á rúmri viku fæddust því tvær stúlkur í fjölskylduna og afi dó. Það er pínulítið eins og afi hafi verið beðið eftir því að allir væru komnir í heiminn áður en hann fór úr honum.

Úíú, enn eitt djammið. Í þetta sinn var það vinnudjamm en Doja bauð deildinni í mat. Það var alveg rosa góður matur á svona racket dæmi (aldrei séð svoleiðis græju áður). Mjamm. Svo fórum við á Sólon þar sem aldursmunurinn á deildinni kom berlega í ljós. (Ég verandi í eldri hópnum!) :S Svo fóru ég, Lilja sundkappi og Doja á Ölstofuna og enduðum svo á Celtic Cross þar sem við hittum bræðurna Gunnar Reyni og Vigni Rafn ásamt Lyga og einhvurjum fleirum í eðalstuði. Það var bara gaman fyrir utan gamla krípí gæjann í anorakknum sem var alltaf að klípa í mig. :(

Kíkti á UJH framleiða kröfuspjöld fyrir mótmælin næsta laugardag og fylltist öfund, ætla að búa til eigið spjald. Það á að vera bleikt.
Er að fara að hitta Helgu, ætlum kannski að kíkja á kaffihús eða eitthvað.
Ciao,
brynkin.

Já, ehm, vinsamlegast skrifið í gestabókina!
Nú er fyrirtaks tilefni, skrifa svona eitt stykki til hamingju með gorgeous litla frænku og svoleiðis... :D Ef þetta heldur svona áfram verð ég sjálf að fara að skrifa á gestabókina (að sjálfsögðu undir dulnefnum). Þannig ef að fullt af "Línum langsokkum" og "Madonnum" fara að skrifa þarna þá vitiði að það er kominn tími á ykkur að skella niður nokkrum línum. Ókeiks? Var að gera tilraun tvö til að setja inn teljara á síðuna... sjáum hvernig gengur...

Ó, svei! Ó, vei! Ég skrifa eina hroðvirknislega grein (ÓK, þær hafa nú alveg verið fleiri, látum það liggja milli hluta) því systir mín var að FÆÐA og fæ fulla reiði Sighvats Björgvinssonar á haus mér! Ójæja! Svona er lífið!
Eeeen allavega!

Ég á pinkulitla sæta frænku! Ransý systir og Hlynur áttu 17 marka stúlkukríli þriðjudaginn fjórða febrúar, 2003!!! Hún var tekin með sogklukku og þurfti að fara í hitakassa, greyið, en hún var nú eldsnögg að jafna sig og fljót að koma sér á brjóstið!! Hún er með kolsvartan lubba og hökuskarð (eins og Hlynsi) en lítur annars út eins og pinkuponsu eskimói (mínus loðfeldurinn, of course)!

:D ( <- stolta ég)

Hahahæ, nú verð ég bara að finna handa henni álitlegt mannsefni. Hmmm... ég hef nú einn í sigtinu, hann er einmitt tveggja ára - ágætis aldursmunur...

Hey, kúl! Ég var að fatta að ég er með gestabók!(er ég ekki barasta sú heimska?) Og tveir búnir að skrifa, Fríða og einhver ókunnug Michelle sem getur fjandakornið ekki hafa lesið mikið þar eð hún virtist vera bláókunnugt kanakvendi. Ekki það að ég beri fordóma til kana, verandi kani sjálf. Múahahaha! Og Fríða reyndar líka! Og upphaflega nafn síðunnar var Bryndís í NY. Hmmm... ég sé hérna ákveðin bias. Líst ekki á þetta. Verð að styrkja fjallkonuímyndina fyrir kosningar (Hah! Tröllkonuímyndina öllu heldur!!!)
Hvað sem því líður! SKRIFIÐ endilega í gestabókina mína, mér þætti afskaplega vænt um það!!!

Er hætt að fara með diskana mína í partí, by the way. Fattaði það skyndilega að allir góðu diskarnir mínir eru HORFNIR og ég sit uppi með einhverja best of diska með hræðilegum flytjendum sem ég keypti a) af misgáningi eða b) þetta var svo rooosalega ódýrt og ég var nýýýýbúin að fá útborgað. (Þetta nýbúin að fá útborgað og hætta sér í búðir dæmi er alls ekki sniðugt).

Jæja... þá er kominn þriðjudagur. Ransý systir var ípotuð í morgun (sprengdur belgurinn) svo hún liggur með einhvurja sentímetra í útvíkkun í þessum töluðum orðum (síðustu fregnir voru 4 cm.) Íííík! Ég held ég verði góð móðursystir, eða allaveganna örlát á nammi. Múahahaha. Jæja... frá því er síðast var horfið. Ég fór jú í bæinn á laugardaginn og keypti drauma-Campers-skóna. Jei. Á útsölu! Jei. Hmmm... svooo... já, svo hitti ég Dísu og við fórum á djammið. Það var bara snilld, gott djamm á bestu stöðunum. Við höfum eiginlega ekkert talast saman í fimm ár svo það var um nóg að tala. Fyndið samt þegar maður fer á fjóra staði og hittir alltaf sama fólkið á hverjum einasta stað. Haha. (Ölstofan-Dillon-Kaffibarinn-Celtic, sko) Ég bókstaflega hitti sama fólkið stað frá staði. Fæ eflaust einhvurn stalker stimpil fljótlega. Ó, well.
Hmmm... þarf að gera skúrk í ba-heimildarsöfnunarmálum. Arnar er kominn langt á undan mér. :S Nú er stefnan að vera massadugleg.
Ég sá á póstinum mínum áðan að mér er víst skylt að mæta á eitthvað frambjóðenda/Samfylkingar/allssherjar fund í Borgarfirði næstu helgi. :S Ég veit ekki hvort ég meiki það og/eða nenni. Föstudaginn er vinnuteiti sem er þrælskipulögð og ég ætla ekki að beila á. Svo er föndurdagur hjá UJ í Hafnarfirði á laugardaginn og mér hefur alltaf langað að búa til almennilegt kröfuspjald! Það er eflaust ýkt stuð! Og svo mun ég eiga nýtt frændsystkin og þarf að vinna mikið í ritgerðinni og nýju aukavinnunni. :(Fyrir utan kostnaðinn, sem ég hef vart ráð á í augnablikinu.
Slæmur pólitíkus. Slæmur pólitíkus. Frekar asnalegt að fá ekki fundarboð um helgarferð fyrr en á þriðjudegi líka.
Horfði á sjöttu (síðustu) spóluna í þriðju (nýjustu) seríu af Angel og
AAAAAAAARRRRRRRRGGGGGGGGGGHHHHHHHHHH
skiljið mann eftir í lausu lofti, why don't ya!!! Nú þarf ég að bíða ýkt lengi eftir nýjustu seríu og ég hreinlega held ég meiki það ekki!!! Íííík!

Hmm. Er að spá í að beila á ljósunum. Ég virðist ekki taka lit (nema rauðan). Skiptir ekki buff. Er núna niðri á Bókhlöðu í einhverri misheppnaðri heimildaskoðun. Hmmm. Á að hitta Arnar á morgun að ræða hvað við höfum fundið svo við getum farið að vinna að spurningarlistanum fyrir rannsóknina. Geisp. Æ, ég held ég fari bara að hætta núna. Það er langur laugardagur og mig langar að kaupakaupa. Á þó eflaust ekki eftir að finna neitt, nema kannski bílastæði. En ekki kaupir maður þau. Fór í gær í partý með Völlu og Kolla til Grjóna og Kára. Þar var serveruð góð bolla með grímseyskum landa sem var nú bara ansi góð. Síðan fórum við í partíið til Ingibjargar Sólrúnar á Hótel Borg og svo loksins á Ölstofu Kormáks og Skjaldar. Þar hitti ég Sögu og Árna og kemur svo ekki í ljós að vinkona Árna, Dagný, er sama Dagný og var með mér í ritstjórn Sálu fyrir allnokkrum árum og voru því endurfundir miklir. Fór svo barrrrasta heim og svaf langt fram eftir degi. Í kvöld er ég að fara að hitta Dísu Dal, sem ég hef ekki hitt svona almennilega síðan við vorum í MR, en þá vorum við miklar samlokur. Það verður örugglega rosa gaman.
Já, Ransý systir er á spítalanum núna að bíða eftir einhverjum blóðprufum :S Ég vona að allt sé í lagi (fyrir ykkur sem ekki þekkið til er hún komin viku framyfir... vonandi fæðir hún í dag því þá fær krílið svo geðveikan afmælisdag: 01 02 03). Ég hlakka til að hitta Bryndísi jr. jr.