Jæja, helgin búin... sniiilldardjamm með Helgu og Völlu á ellefunni þar sem leikurinn "kysstu Völlu" og síðar "kysstu Helgu" blómstraði... var svo sloj daginn eftir og horfði á vídjó með Völlu og ómægod hvað Chicago er ofmetin og langdregin... hitti Helgu áðan og við fórum í heimsóknir og spjall... nú er Ransý og Hlynur og Bryndís frænka á leið í mat... ég gerði brownies... just-add-water-brownies en brownies engu að síður. Ýkt stolt. Verð að hlaupa, lofa miklum existential pælingum á næsta bloggi... ;-) Hleyp núna út í búð að kaupa kartöflumúúús.

Hvar er stuðið?

Ef þið finnið stemninguna fyrir útilegu UJ næstu helgi, látið mig endilega vita.
Verðlaun verða veitt fyrir besta atriði eða stuðmanneskju...
kannski bara koss frá mér (djöfuls mella)

Sendið tilnefningar á sidnyrb@hotmail.com...

Teljarinn kom aftur. Teljarinn starfar á dularfullan hátt, á það víst sameiginlegt með almættinu og Fanta. Hmmm... það er í raun og veru það áhugaverðasta sem hefur gerst í lífi mínu lengi.

Fer í vinnuviðtal á morgun, verð að líta spiffy út. Held að mussugallinn virki ekki á skrifstofum. Svínvirkar hins vegar á leikskólum. Ég get verið berfætt í joggingbuxum í vinnunni þar (útskýrir af hverju pabbarnir reyna aldrei við mig) Ætla því að naglalakka mig, eins og allir góðir einkaritarar, slétta hárið, smella í mig linsum og fara í... mussu. Á bara mussur. Hef aðlagast umhverfi mínu um of. Nei, djók. Ég á engar mussur. Bara fullt af fötum sem búið er að kúka á.

Jæja, er að reyna að skrifa hálfa grein fyrir Veru á móti Arnari, eigum að skila henni inn á morgun (sem minnir mig á tvær aðrar greinar sem ég skulda, vúpsí)... en datt inn í Gilmore Girls og ógnarheima netsins og þarf núna að flýta mér.

Er nebbnilega að fara að hitta Helgu frænku, hún er komin heim! Lengi lifi síamsvinir!

Teljarinn fór! Þarna kom hann, í allri sinni dýrð, kominn upp á fjórða tug heimsókna og PÚFF. Hverfur. Þetta á greinilega ekki við mig, þetta tölvustúss.

Jæja. Menningarhelgin mikla búin, og missti ég að flestu eins og venjulega. Mér er svo illa við mannfjölda á Íslandi. Íslendingar kunna ekki að labba í fjölda, allir ganga of hægt eða kriss-krossast á milli etc. Basically meina ég að ég þoli ekki þegar fólk er fyrir mér. Urrrg.

Fór í matarboð til Arnars á föstudaginn, en þar voru líka Fríða, Baldur, Kiddí, Valdi, Sveinbjörg og Kristín. Það var mjög gaman, fullt af skemmtilegum drykkjuleikjum og svoleiðis og mjög góður matur.

Á laugardeginum fór ég niður í bæ (seint...) með Völlu og ráfuðum við þar um í einhvurn tíma.
Passaði Ernu litlu líka, hí hí. Mesti spriklari evör.

Uuummm.... letivídjókast með Steinunni í gær... Anna Soffía byrjuð að vinna aftur... Helga að koma heim á morgun... nóg að gerast... vellaunaðir möguleikar við sjóndeildarhringinn. Mjamm. Þarf að fara að finna teljarann minn aftur. Hei, útilega næstu helgi!

Hæ, er komin aftur! Fór samt ekki neitt. Þannig séð. Jæja. Saga helgarinnar...

Sólrún er komin heim! Og á föstudeginum fóru ég, Sigga, Sólrún og Mark á kaffihús. Sem er susum ekki í frásögur færandi (fyrir utan að ég hef ekki séð Sóló lengi, verandi búsett í Hollandi og þar að auki á sífellu rokkstjörnuflakki um heiminn) nema að við fórum um tíu leitið. Hehe. Það var ýkt fyndið, bara túristarnir mættir á djammið... Jamm. Þetta var sumsé mjög fínt, barasta. Sigga og Mark á leið í ferðalag um Vestfirði. Fórum svo bara snemma heim.

Humm... svo á laugardeginum fór ég í sund. Ég fer aldrei í sund. En hef samt farið í sund núna einu sinni með Ásthildi, einu sinni með Steinunni og loks einu sinni með Sólrúnu. Þegar ég segi "ég fer aldrei í sund" á ég við að þar til nýlega hafði ég neitað að fara í sundlaugar í rúm tíu ár, þrátt fyrir grátur og gnístran tanna vatnsþyrstra vinkvenna. Það er því um algjöra stefnubreytingu í lífi Bryndísar Nielsen að ræða. Og hananú. OOOOG ég fór í NÝJA laug!!! (Hafði áður bara farið í Vesturbæjar, Laugardals og Neslaug) Fór í Árbæjarlaugina!!! (hafði svo oft heyrt um hana frá Ásthildi sko) Þar eru alls kyns bunur og búbblur sem gerðu dvölina mjög ánægjulega. Nóg um þetta. Við Sóló fórum svo í kaffi til Völu, sem er nýflutt í hina fínustu íbúð á Lynghaganum (er ekki Y-i þarna? Ekki er það Linghagi, fjandakornið...) og er á fullu að lesa fyrir sumarpróf, eins og flestir.

Fór svo í teiti til Tinnu og Coley og dró með mér þær Doju og Völlu. Fórum svo á djammið eftirá. Ég var voðalega góð og leyfði Völlu að ráða förinni alfarið (múahahahaaaa, mental torture at it's best!!!). Sem betur fer voru herfilegar biðraðir á alla uppastaði (með mönnum í jakkafötum í þeim, líkar mjög misjafnlega við menn í jakkafötum) og enduðum við á Ölstofunni og síðan Celtic. Fullt af slúðri að segja en fjandakornið að ég fari að dreifa því hér.

Jæja... sunnudagur í leti og þynnku og túrverki... vídjógláp og lestur á nýju Harry Potter bókinni... jamm... vinnan svo aftur í dag og svo barasta svo er ég búin að lýsa öllu. Jamm. Skemmtilegt. Ókeibæ.

Hí hí, setti inn teljarara. Ég er algjör smartípants.

Úboj, nenni eiginlega ekkert að skrifa (mjög hvetjandi fyrir ykkur lesendur, ekki satt?)... leiðist og það eina sem er í sjónvarpinu er West Side Story. Ég veit að ég er sorgleg en ég er fjandakornið ekki svo sorgleg. Fór með Ásthildi að sjá Pirates of the Carribean áðan... hí hí... algjör snilld. Snilld, snilld, snilld. Johnny Depp er gargandi snilld. Snilld, snilld, snilld. Helgan á Ítalíunni er að fara í vinnuviðtal á morgun í líkamsræktarstöð, allir krossa putta. Þarf að gera tvær greinar fyrir helgina og fara svo að skrifa eina grein með Arnari sem mun að öllum líkindum birtast í Veru, um BA verkefnið okkar.

Annars er ég byrjuð aftur að vinna. Gólfið er ótrúlega glansandi eftir bón frísins og börnin brún og sælleg og sum orðin risastór. Hlutfallslega. Þriggja ára börn eru venjulega ekkert risastór í samanburði við mig. Annars fara bara fjögur börn upp á næstu deild og fjögur ný byrja. Hin nýju eru öll eldri en sá yngsti á deildinni þannig að deildin er eiginlega árinu eldri en hún var í fyrra. Sem er soldið skemmtilegt. Fólkið farið að tala svolítið og svona. Mjög sniðugt.

Hvað er annars með þessa Gleðisveit Ingólfs? Fá allir að gera sjónvarpsþætti á Skjá einum? (vil ekki benda á hið augljósa um dómgreind og Skjá einn) Þetta er gjörsamlega verstu og leiðinlegustu þættir sem hafa nokkurn tímann verið gerðir. Raunveruleikasjónvarp er nógu andskoti leiðinlegt þegar fólk er handvalið með handrit. Greyið piltarnir eru nú ekkert hræðilegir per se en enginn þeirra hefur nægan "stjörnusjarma" til að halda uppi blöðru. Hey, vá, Helgi Seljan í sjónvarpinu að mæra Gleðisveitina (ekki að grínast, er akkúrat núna að sjá þetta í sjónvarpinu). Helgi!? Hvað ertu að meina? Sýnir bara að stjórnmálaskoðanir eru engin ávísun upp á tónlistarsmekk.

Fékk annars skilaboð á talhólfið í dag. "Hæ Bryndís þetta er (chchchchchc) og er að hringja út af (chchchchchch) og heyrði að (chchchchchch) útilega (chchchchc) og (chchchchchchc)."
Hringt úr leyninúmeri.
Fólk! Ekki hringja í göngum. Fólk. EKki hringja utan af landi (tengi sko útileguna við útilegu UJ og skipuleggjendur hennar eru dreifarar). Ekki búa úti á landi. Landið er fínt fyrir frí. Ekki skemma það með því að hanga þarna öllum stundum. Reykjavík er fín, hún hefur bíó og svona. Ekkert að Reykjavík. Er fjórði ættliður Reykvíkinga í nær allar áttir. Sko? Getur ekki verið svo slæmt. Malbik og svona, mjög sniðugt. Götuljós. Þið vitið, helstu nauðsynar og Lyfja og Tíu-ellefu.