Ég er búin að vera með fjörfisk í hægra auganu í fjóra daga. Arrg.

Já, munið eftir partíinu á laugardaginn!!!!!!!

Jæja, nú er orðið svolítið langt síðan ég skrifaði síðast... Á fimmtudaginn fór Heiða að hitta Siggabjörn í Frakklandi. Stóru strákarnir fóru til frændfólks í Connecticut og ég og Viktor litli kúrðum bara hér í New York. Það var bara ýkt kósí, við fórum í bað saman og tókum lúr saman... borðuðum Cheerios í morgunmat samant. Hann er ekki eins flinkur og ég þó. En hann hefur 23 ár til að reyna að ná mér. Það er ótrúlega þægilegt að hafa bara einn krakka.

Á föstudaginn kíkti Kristín til mín um kvöldið, en Isac var í London. Við pöntuðum pizzu og svo spilaði hún fyrir mig prógrammið sitt, en hún var að fara að spila á Skandinavian Festival á laugardaginn. Á laugardaginn fórum við Erika í Central Park, ég m. Viktor og hún m. Oskar (sem er 9 mánaða)... vorum nett eins og ungar mömmur... (eða ekki svo ungar) það var æðislegt veður og trilljón manns bara að tjilla í garðinum. Um kvöldið komu Erika og Diana í mat og það var bara frábært.

Á sunnudaginn fylltist húsið aftur. Ég er ýkt abbó út í Heiðu! Það var víst alveg æðislegt í Suður-Frakklandi! Þau gistu í húsi sem var byggt í kringum 900. Spáið í því. Hmmm. Ingólfur Arnarson hefði getað gist þar. Hún gaf mér svo Happy ilmvatn og Happy body smoother svo ég var rosa happy.

Ergo, helgin var rosalega kósí og þægileg. Viktor er svoddan knúsídúlla. Ég veit að ég hljóma eins og geðveikt halló kerling sem elskar ketti en whattafuck...

Hasta la vista...

Já, jahahaháááa! Gleymdi að minnast á að ég held líklega partí þann fimmtánda... allir sem eru nógu dyggir til að lesa síðuna mína eru boðnir!! (Hmmm, það verða þá ég, Helga og Ransý) Ætti kannski að senda út boð... ég kem nefnilega að morgni fimmtánda til Íslands og sama kvöld fara mamma og pabbi í fimmtugsafmæli til Jóhönnu Linnet, en partýin hjá Gunnari Þór og Jóhönnu eru einu partýin sem gamla settið er til fjögur í...

Ciao beibs!

Gleymdi víst að taka það fram í gær að ég týndi símanum. En það er allt í lagi því hann er kominn í leitirnar. Ég hringdi í símann í morgun og einhver óskiljanlegur (en yndislega heiðarlegur) leigubílstjóri svaraði... hafði víst misst hann á leiðinni frá Penn Station til W77th. Skil nú ekki alveg hvernig það hefur gerst. En jæja. Ma og pa fóru klukkan sex í morgun, ég lá svo í móki yfir heimildarmynd um Andy Warhol til sjö. Undarlegar draumfarir þar. Var svo að passa, aðallega Viktor, frá sjö til hálf fimm. Eldaði svo fisk. Ofsalega er ógeðslegt að elda fisk.

Hmmm... jú, ég fór í Barnes og Nobles og keypti mér góða bók (ekki þennan venjulega reifara) og svo í Tower Records og... undur og stórmerki... keypti mér geislaspilara! Hann var nú fáránlega ódýr samt, 50 dollarar sem er undir 5000 kallinum. Keypti mér líka Tindersticks með Tindersticks og Gorillaz diskana. Hvort tveggja gamlir draumar. Er búin að vera með TIndersticks á constant í nýja spilaranum mínum. Mmmm. Keypti líka hundabók handa Viktori og svo fórum við í Riverside Park og dunduðum okkur við lestur og leik. Rákumst á Dante, litla nágrannann okkar. Hann og Viktor kalla alltaf hæ til hvors annars af svölunum.

Það góða við spilarann var að það komu með græjur til að tengja segultæki í bílum... Helga, við getum því tekið diska með þegar við könnum Vestfirðina í sumar!

Er byrjuð að pakka... held ég sé að breytast í mömmu! Verð eiginlega að skipuleggja eitthvað farewell dæmi. Heiða sagði að ég mætti endilega bjóða einhverjum yfir í smá kveðjuhóf. Spurgsmál um að skipuleggja einhverja pre-drykkju og fara svo á djammið með allt pakkið. Hmmm.

Jæjaaaa. Nú er orðið svolítið langt síðan ég skrifaði síðast. Hvað hefur gerst? Tja, gamla settið mætti á svæðið eins og áður hefur komið fram. Það var mjög gaman að sjá þau. Á föstudagskvöldinu fórum við til Snorra og Þórdísar í White Planes, þ.e.a.s. við öll, ég, settið, Heiða og strákarnir þrír. Það var voðalega fínt og æðislegt fyrir strákana að fá að hlaupa um í garðinum. Við fengum mjög góðan grillmat og seinna geðveikt þrumuveður (gotta lov'em thunders!). Mamma og pabbi gistu svo þar en við Heiða og strákarnir fórum heim. Í gærkvöldi fórum við til Adrian og Malenu á Long Island, sumsé fjölskyldunnar hennar Díönu. Pabbi hafði farið að keppa í siglingum (með vini Snorra) og kom svo seint til Manhattan að hann komst ekki. VIð mamma höfðum sumsé farið á undan. Pabbi hafði komið sér niður á Penn Station og allt, keypt miða en næsta lest fór ekki fyrr en klukkutíma seinna (kl. 21) og því hefði hann ekki verið kominn til LI fyrr en 22. En tout cas. Það var boðið upp á mexíkóskan mat, tekíla og Corona ;) og mamma fékk loksins að smakka molé, einhvurslags súkkulaðisósa sem borin er fram með kjúklingi (eða kalkún ef maður gerir þetta a l'original). Molé er forn Azteka uppskrift. Kúl. Jæja.

Í dag er sunnudagur og Diana ætlar að fara með okkur á Guggenheim safnið og svo ætla ég kannski að fara með fólkið á Gagósían galleríið og galleríin á því svæði. Eða þá að farið verður á Metropolitan... sjáum til!

Býst við að við grillum úti á svölum í kvöld...

Ciao