Föstudagur bara kominn. Aftur. Annars er þetta búin að vera djúsí vika, maaar. Eða svoleiðis. Tók netta kaffihúsaviku og það er alltaf næs. Kræs. Blæs. Við Helgan fórum svo á Sirkús í gær með Ester og Ívari og fengum djúsí sögur af seinni heimsstyrjaldarárum þýskrar ömmu þeirra. (Sumsé hin amma þeirra, þar eð við eigum víst öll sömu ömmuna. Hina, þ.e.a.s.).

Á miðvikudaginn fór ég líka aðeins út. Fyrst á Ellefuna, þar sem var ágætis næði til að láta Helguna aðstoða mig við umsóknarferlið mitt allt saman (úffpúff). Svo fórum við á Kaffibarinn sem var ótrúlega útúrtroðinn miðað við miðvikudag og síðan á Sirkús.
Daginn eftir fer ég úr vinnunni niður í HÍ til að ná í einkunnirnar mínar útprentaðar á ensku og þá fatta ég mér til skelfingar að kortin (bæði) voru ekki í kortahulstrinu mínu. En mundi svo afskaplega skírt að ég hefði sett þau í vasann á jakkanum mínum. Felmtri slegin tölti ég aftur niður í vinnu (ok, var keyrð) og tilkynni öllum (eða bara deildinni minni) að ég hafi nú barasta verið RÆND í VINNUNNI og þetta sé nú bara alveg hræðilegt og alles. Allir ægilega smeikir og hlaupa til að læsa hólfunum sínum. Lítill vinnustaður og svona. Lilla hringir laumusímtal í lögguvini sína og spyr hvernig sé best að snúa sér í þessum málum. Krísufundur deildarstjóra. Æ æ æ. Upp kemst að áður hafði einnig horfið sígarettupakki. Mjög dularfullt allt saman. Vantaði bara Hercule Poirot. Nú eða Monk.
Svo eiginlega upp á von og óvon kíki ég á Sirkús eftir vinnu.
Og hvað var þar? Kortin. Auðvitað. Ég var eins og fááránlegur hálfviti í vinnunni daginn eftir. Gvöööð, ég sem var svooo viss... hehehe... Þurfti að fá nýtt kreditkort (tilkynnti það týnt kl. 15 og var búin að fá nýtt afhent 23 tímum síðar. Jea. Gó Mastercard. MAAASTERCAAARD. Þetta blogg er í boði Maaaaastercaaaaard)(annars hefði ég verið peningalaus alla helgina, maaar)

Er núna að tjilla með Hlöðveri Skúla og Magnúsi Nóa. Við fórum áðan á KFC (sem ég fýla ekki. Hnuss. Miklu betri franskar á MacDó) vegna þess að þeir vildu alveg eeeendilega fá LOTR dót. Svo ætlum við að horfa á Svínasúpuna. Svo ætlar Helga að kíkja og ég í bað og svo og svo og svo. Tja, og svo. Bryndís frænka er í þingveizlu á Sögu í geðveikum rauðum skóm og ef hún kemur heim fyrir eitt-tvö er kannski smáséns á að við kíkjum út. Annars bara tjill. Tjill tjill.