Vá, djöfull var ég eitthvað pepp í síðasta bloggi. Hmmm. Verð að gera eitthvað í þessu. Mikið er nú langt síðan ég bloggaði samt. Og hvað hef ég gert af mér nýlega? Keypti mér snilldarinnar geisladiskinn hans Damien Rice, hann O. Hvað hann er góður. Er einmitt á full blast núna. Og svo er kappinn barasta að koma til landsins í mars! Ég þar.

Á föstudaginn fór ég með Steinunni út og við fórum á Ölstofuna þar sem ég hitti fullt af góðu fólki, Völlu og Hinrik og Maríu og Sigga og Vökupiltana og Einsa Árna og fleiri. Það var alveg stuð þar, svona loksins. Svo fórum við á Kaffibarinn og Sirkús (þar sem ég dansaði aðeins of mikið held ég. Er allaveganna með slamm-strengi í hálsinum). Var svo bara sofandi fram eftir laugardegi en fór þó á opnun hjá Elsu á Kaffi Sólon og búðaropnun hjá Bryndísi Ísfold og svo í afmæli til Álfdísar. Svo fór ég barasta snemma í háttinn (eða svoleiðis) vegna þess að
ég byrjaði í
nýrri vinnu
á sunnudaginn.

Er að hringja fyrir Hagstofuna. Jea. Segið svo ekki að háskólagráðan hafi ekki skilað sínu! Þetta er alveg ágætt, fæ ágætlega borgað og svona. Svo er ég í hópi með Fríðu og Arnari og Kiddý og Valda svo maður þarf ekkert að sitja bældur út í horni. Svo fór ég í afmæli hjá Ernu litlu frænku. Hehe. Köööökur. Úps.

Annars er ég komin með leið á að líta út eins og kjúklingabú. Bansett dúnúlpan mín spreðar dúni út um hvippinn og hvappinn (eða var það kvippinn og kvappinn?) (eða hvippinn og kvappinn...)(eða kv...) Og ég lít út eins og ég sé brottrekinn kúreki (þið vitið, tjara og fjaðrir og svoleiðis) Eða kannski brottgengið kjúklingabú. Eða bara kjúklingur. Rauður kjúklingur, salmónelluvænn. Eða kannski frekar gæs eða eitthvað svoleiðis. Veit ekki alveg hvaðan dúnninn kemur, en er nokkuð pottþétt á að það er fuglakyns.

Mikið óskaplega finnst mér gaman að sjá svona marga hrafna um bæinn. Ég og Davíð Stefánsson. Miklir krummavinir. Krunk krunk krá og svo framvegis. Krummar eru alveg svölustu dýr í heimi. Hef eflaust verið krummi í fyrra lífi. Útskýrir gáfnafarið.
Annars erum við Vala að fara að taka gáfnamanna vídjósyrpu. Mér líst mjög vel á það.
Af hverju er ekki hægt að fá heimsendar til sín bækur? Ég nenni ekki út í bókabúð. Og er víst réttdræp á bókasöfnum bæjarins.

Bless.