Það vantar spý/ítur og það vantar sög
það vantar málningu og fjörug lög
Eitthvað að kalka í stafsetningu... eins gott að hið sama eigi ekki við um enska stafsetningu, a.m.k. ekki fyrr en eftir miðvikudaginn þegar TOEFL skrímslið mætir mér í einvígi.

Fyrsti dagur í fríi... Erna kom snemma til mín og við erum búnar að skottast um allan bæinn, fórum út í bakarí og í búðir og á sýningu í Klink og Bank (að blása með hárblásara á myndirnar hennar Jóhönnu og láta þær hverfa, ýkt kúl, og afskaplega sniðug pæling líka) og að lokum í heimsókn til Heiðu og krakkanna á Sjafnargötunni. Þar beið mín, viti menn, jólagjöf! Forláta líkamssmyrsli frá Alexander McQueen. Nú fer ég loksins að lykta vel.

Á eftir að pakka öllu niður, uu, og er ekki einu sinni byrjuð og nenni ekki að byrja... ætli ég fari ekki bara eins og ég er klædd. Tek bara auka naríur með eða eitthvað, sting þeim í vasann.
Sjáumst á föstudaginn!
Hastalavistalalala.