Halló. Þið þarna. Ókei, þú.
Nú er helgin að verða búin en ég þarf samt ekki að mæta í vinnuna á morgun. Afskaplega undarlegt. Sumarfrí. Erna litla er eitthvað hálfslöpp og ætlar bara að tjilla með mér á morgun. Við kíkjum örugglega eitthvað sniðugt saman. Hún er svo að fara að byrja á leikskóla bráðum. Skrítið. Ýkt stór eitthvað.

Í dag er þjóðhátíðardagurinn minn. Húrra, ég. Afskaplega stoltur Kani. Mikið af nötturum í Amrígu. Ég er líka soldið nöttí. Á stundum.

Á föstudaginn töluðum við og töluðum við, við stöllurnar, ég, Sigga og Sólrún. Það var mjög fínt. Keyptum fullt af frosnum mat (pizzur og Ben og Jerrys) og drukkum bjór. Namm. Daginn eftir fórum við Sigga á Karníval hjá Klink og Bank og svo ætlaði ég að fara og fá mér ókeypis myndasögur í Nexus en Sigga vildi ekki bíða í röðinni því það var svo kalt (búin að búa of lengi í Frans) svo ég endaði bara með því að kaupa mér myndasögu. Og taka áttundu spóluna af Angel. :-( Nú er bara allt búið, og mér líður illa í litla, svelta, skorpna sjónvarpssjúka hjartanu mínu.
Og af hverju breyttu þeir í Nexus opnunartímanum??? Urrg.

Síðaaaan fórum við Helga á Sirkús um kvöldið. Surprise. Ég notaði snilldar brellu til að dobbla Helguna út þegar ég nennti ekki að vera þarna lengur. Ég held að það búi lítill mastermind í litla kollinum mínum eftir allt saman.
Jahá, þú heyrðir rétt. Litla kollinum. Þrátt fyrir að vera stórgerð kona (ehemm) þá er ég með afskaplega lítið höfuð. Pjúní, bara. En hárið blekkir, sem betur fer. Ég keypti mér trukkaraderhúfu í dag í barnadeild og þarf alveg að hafa hana í innsta gati. Það er vegna þess að ég hef engan hnakka. Flathaus. Held ég hafi sofið einum of mikið og bara sphhhh... hnakkinn flattist út.

Hmmm. Var núna með Gunnu að éta nammi og horfa á vídjó. The Pledge og ástralska mynd sem hét Better than sex um skyndikynni sem var mjög skemmtileg. Mínus leigubílstjórinn. The Pledge var laaaangdreeeeegin. Troðfull af góðum leikurum í litlum hlutverkum, flott tekin og svosem ekkert vitlaust plott en fremur tilgangslaust að lokum... laaaaangdreeeeegiiiiiiiiiiiiiiiiiiiiiin.

Duddurudduruuu... er að fara út á þriðjudaginn til London. En ekki gráta, ég kem aftur á föstudeginum, verandi orðinn stórborgari.
Æi, ég hef eiginlega ekkert sniðugt að blogga. Ekki nema einhver vilji heyra um vítabix og mjólkurkaup. Ekki mjög spennó.