Jæja, nú er stelpan þreytt. Fjórir dagar af vinnu er alveg nóg. Ég meika ekki þessar fimm daga tarnir. Mér finnst alveg hræðilegt hvernig komið er fram við vinnandi fólk í þessu landi. Geysp. Ég er líka búin að vera dugleg í vikunni. Saumaði pils fyrir jólin. Og það veit guð (semégtrúisamtekkertáenerþægilegurtiláherzlu) að ég fæddist ekki með saumahæfileika. Og saumavélar. Saumavélar! Flækjuvélar öllu heldur. Sem mér semur ekkert allt of vel við. Þær eru flóknar.

Ég fór að spegúlera í öllu tölvuogtækni draslinu í herberginu mínu. Ég er með græjur, sjónvarp, vídjótæki, laptop (kúkatölvan ógurlega, ekki segja henni að ég hafi sagt þetta), sléttujárn (da curse of da curled), vekjaraklukku, farsíma... bíddu bíddu, það var eitthvað meira... hmmm... æ, djö. Ég sleppi þessu bara. Þetta átti að vera eitthvað svagalegt komment á tölvukynslóðina og firringu nútímamannsins.
Gekk ekki.

Er að fara að passa tvíburana í svona tvo tíma (þarf að fá mér einhverja lykt sem fælir börn frá mér)(Fleur virkar greinilega ekki)(né heldur svitafýlan eftir að lyfta og skipta á krökkum heilan dag) (bleah)

Svo ætla ég á kaffihús og geispa pínulítið með Helgu frænku.
Mikið er ég fegin að það er föstudagur á morgun.

Have gin
Will drink