Búrrr. Er ekkert smádofin. Meira stórdofin. Hélt lítið kjallarapartí í gær, fyrir fólk sem ég gef jólagjafir og föðursystkynabörnin... geðveikt stuð mar. Stemming á Hávó... Fórum á Ara og svo á Sirkúús og það var svooo kalt að standa í röðinni.

Fórum heim um sex og ég svaf og svaf og svaf og vaknaði næfurþunn, með túrverki og harðsperrur vegna þess að stelpan lét dobbla sig á gönguskíði (af öllu) í gær. Það er ekkert verra en að vera bæði þunnur og með túrverki. Mamma lét mig fá einhvurn verkjalyfjakokteil og ég held að hann hafi verið pínkuponsu sterkur. Pínku.

Já, sumsé, fór á gönguskíði með gamla manninum upp í Heiðmörk. Ég held ég hafi síðast farið á gönguskíði fimmtán ára. Og það var annað skiptið sem ég hafði gert það. Ég var eins og belja á svelli og datt svo á rassinn að ég á erfitt með að hreyf'ann. Booty sjeikið ekki á dagskrá í kvöld.

En annars er náttúrulega hörkudjamm í kvöld því það eru Fræbbblatónleikar og Súkkat á ónefnda staðnum við Aðalstræti. Jea! Ég og Helgan, Fræbbblagrúbbíurnar frá helvíti, ætlum þokkalega að rokka!!! Eða kannski bara pönka!!! Jea.