Ííík, Þorláksmessa. Sem merkir Aðfangadag á morgun. Ííík. En ég er svosem búin að kaupa og pakka öllu. Ég gef fáránlega marga pakka. Enda á ég fáránlega marga vini. Jea.

Hvað er með þýðingar á bókum? Hvernig er hægt að þýða bækur úr einu tungumáli yfir á annað? Hvert orð hefur svo ótalmargar, faldar meiningar í hverju og einu tungumáli og þá er ekki heldur hægt að þýða orðasambönd og duldar meiningar og ryþma og og og svoleiðis á milli tungumála án þess að taka sér töluvert skáldaleyfi. Sem er svosem í lagi ef viðkomandi þýðandi er þokkalega hæfur en þá er bókin ekki lengur eftir þennan eina höfund heldur eftir höfundinn og viðkomandi þýðanda. Arrrg. Allt þetta sprettur upp úr því að reyna að lesa á íslensku. Ég hætti eiginlega að lesa á íslensku eftir níunda bekk. Nú er ég gjörsamlega út úr kú hvað íslenskulestur varðar. Nema kannski dagblöð og netmiðla. Sumsé, var ég að glugga í bók á íslensku sem ég hafði áður lesið á ensku en var þá þýdd úr japönsku. Hvernig er ekki hægt að missa trilljónbilljónskrilljón hluti niður eða allavega pikka upp 80% af persónuleika hvors þýðenda um sig (geri ráð f. að ísl. útg. sé þýdd úr ensku, veit samt ekkert um það, bleah)

Held ég haldi bara áfram að lesa á ensku. Og horfa á enskumælandi sjónvarpsefni. Og sletta eins og mófó. Og glata íslenskunni.
Grrrrrr...

Chillpilla hjá okkur Helgunni í gær, kíktum á Circus og sátum við barinn eins og góðar barflugur og ég gaf ímynduð fokkmerki til næstmesta fífls í heimi (fólk veit hvenær ég þoli það ekki. Þá brosi ég ekki til þess. Það þarf mikið til að ég brosi ekki. Er svolítið eins og Joker í Batman hvað það varðar.) (It's a pain).

Nú á ég, í fyrsta sinn í svosum áratug, jólaföt OG jólanærföt! Samstæð! Og jólaskó! Veitiggi alveg hvað er að gerast, en mér líkar vel við það...

Hey, og merkisdagur í lífi mínu...
í dag eru 10 ár frá því ég kyssti strák í fyrsta sinn...
hehehe... ég kunni að velja þá í den eins og í dag... frétti seinna af þeim strák (sem var NB sundlaugavörður í BLEIKRI sundskýlu) að hann væri, nei ekki wife-beater, heldur MOM-beater... í merkingunni barði móður sína... var mjög fegin að það varð ekkert meira úr því dæmi...

Eyddi svo öllum aðfangadegi í massaþynnku með Ransý systur. Við keyrðum út alla pakkana, báðar grútþunnar. Eftirminnileg jól.

Er annars illa við jólakort. Eða, eiginlega á ég í ástar-haturs sambandi við þau. Sumsé, ég fæ þau en sendi ekki... langar alltaf að senda en meika það ekki og fæ svagalegt samviskubit þegar ég fæ þau en verð samt glöð og ó þvílík hringavitleysa.

GLEÐILEG JÓL TIL ALLRA SEM ÉG ÞEKKI, ELSKA OG VIRÐI OG LÍKA KEANU REAVES, ÞÓTT ÉG SEND'EKKI JÓLAKORT ELSKA ÉG YKKUR SAMT.