Vikan er búin. Loksins.
Framundan er ekkert nema fyllerí og vitleysa, sem betur fer. Fer á eftir á litlu-jólin hans Arnars (keypti nett svala gjöf) (það er pakkasúpa sko, vona ég lendi á minni... djók)...

Allir eru búnir að fara í klippingu fyrir jólin nema ég. Ég klippi mig víst bara sjálf. Svo keypti ég mér ljósan tímabundinn hárlit í gær (m.ö.o. skol, fyrir pró fólk í bransanum) og setti á mig maska og litaði albinóabrúnirnar. OOG setti á mig brúnkukrem.
Útkoman? Hárið breyttist ekkert, Brooke Shields er komin aftur, ég er með hár eins og Björn Borg, maskinn dró fram allar bólur og gerði þær stærri og brúnkukrem á bólugrafna exemhúð gerir bara eitt, skapar fyrirtaks blettatígur.
En ég held nú samt að ég eigi eftir að vera foxí í kvöld.

Eða ekki.
En það er aukaatriði. Er vön höfnun, og get bara æft kaldhæðnina í staðinn.

Aðalatriðið er að skemmta sér vel, jea beib!