Hæ hæ, sit hér með Dísu og við erum að staupa okkur með koffíni. Hún kom nebblega til mín í morgunkaffi og ég var að sýna henni skólann minn á netinu. Skrítið að hugsa til þess að eftir tvo mánuði muni ég barasta búa í öðru landi. Haaaa?

Fer að sigla á miðjarðarhafinu eftir tvo daga og kem ekki aftur fyrr en rétt fyrir verzlunarmannahelgi. Kannski verð ég súkkulaðibrún þá. Kannski verð ég rauð eins krabbi, hafandi hamskipti eins og snákur... en svo kemur verzlunarmannahelgin og þá fara allir úr bænum og þá er afskaplega kósí að vera þar. Hahahæ og hí á þá sem fara út úr bænum um verzlunarmannahelgi. Það er svo stúbbid.

Fór í mat til Siggu á laugardaginn og það var mjög gott, fyrir utan ofsakláðann í lófunum en Sigga sagði að það boðaði bara að ég ætti peninga í vændum... Sóló sagði okkur frá fyrstu prívat tónleikum Amínu í Danmörku (í fylgd með heimildarmyndatökufólki, hahæ) sem gengu vonum framar.

Uuuuumm... gisti hjá Helgu í nótt og dreymdi að ég væri að fela mig í Ráðhúsinu því vondi karlinn í nýju Spiderman myndinni væri að klifra yfir Eiffel turninn til þess að ná í mig.

Best að fara að pakka.