Er búin að lesa í þrjú kortér fyrir Hlölla og Manga. Einhvern veginn enda ég alltaf með að halda vöku fyrir krökkum þegar ég les fyrir þá... ein sem hættir ekki. Þokkalega ástfangin af eigin upplestri. Jæja. Hætti þegar þeir kvarta. Eða eitthvað. Prufa þá kannski fyrst nýjar raddir... ef það virkar ekki prufa ég kannski að lesa ógeðslega lááágt... Nei, djók. Þeir kvar'iggi neitt, of hræddir við mig til þess...

þeir sögðu reyndar áðan að ég væri ekki fullorðin heldur unglingur... :-D jesss...

Best af öllu er að lesa Dr. Seuss á ensku. Úíú! Green eggs and ham! Snilld. Roast beast, I am Sam, Sam I am...

Á föstudaginn fór ég úúúút. Í kút. Með stút. Á Sirkús. Hissa? Með Helgu. Haaa? Flissa?
Og á laugardaginn... nú, þá horfði ég á Popppunkt... kíkti aðeins í útskriftina til hennar Döggu (til hamingju aftur Dagga) (Dagga er að fara að vera sjónvarpsstjarna á Skjá einum í sumar, tíhíhí...)
og svo fór ég út. En ekki með Helgu. Heldur Ólöfu, aka Lóu, aka b-girl, og tveimur breskum vinum hennar. Nú á ég vini (eða a.m.k. kunningja, ókei?) í London. Liggaliggalá.

Er að spá í að reyna að athuga hvort ég sé ekki með einhverja eðlilega sjúkdóma en eftir að hafa látið fjarlægja tálkn, komist að því að ég er með blöðrur á nýrum og fæ svo augnmígreni sem einkennist helst af því að ég get ekki talað (ég!) hef ég komist að þeirri niðurstöðu að ég er ekki eins og fólk er flest (alltént í þessum efnum) og þarf því að fá mér einhverja hefðbundnari sjúkdóma eða raskanir.(Tinna, hvernig fær maður magasár?)(kannski get ég reddað mér fóbíu, er nokk fóbíulaus til þessa)(sem er líka fríkí, það eiga allir fóbíur nema ég)

Horfði á In the Cut í gær með Mark Ruffalo og Meg Ryan eftir hana Jane Campbell... snilld, snilld. Ég hafði einhvurn veginn heyrt að hún væri ekkert spes, en það hefur greinilega verið einhvur vitleysingurinn. Góð, góð mynd. Erótísk en erótík sem er samin og leikstýrð af konum... það er einhvern veginn oft flottara. Minni áherzla á sílíkontúttur- og rassa og mínípils og meira á raunverulega erótík. Rrrr.

Horfði líka á Witches of Eastwick aftur... snilld, snilld.
Við Ásthildur tókum nefnilega svona vídjókvöld í gær, voða voða kósí.

Hurðu, svo verð ég nú eiginlega að spyrja hver dvergurinn sé sem skrifar mér komment? Þekki ég þig? Hugsa það nú... en hver, hver, hveeeeer?

Langar að sjá nýju Michael Moore myndina... og líka Honey með Jessicu Alba. Nei, djók. Næst er á dagskrá að horfa á nokkra Angel þætti... tók syrpu um daginn en fór svo í pásu (sem er gott, því þá endist serían lengur). Mmmm... kannski ég taki bara nokkrar spólur á morgun...
Gott að ég á enga vini, þeir gætu heftað sjónvarpsglápið.
Neh, á alveg vini, þeir vilja bara ekkert hitta mig.
Neh.

Svo ætla ég að vera dugleg og lesa smá mannfræði... og kannski, einhvern tímann, tek ég til í kjallaranum. Rykmaurasiðmenningin bak við sjónvarpið hefur þróað með sér geimferðaáætlun. Getur ekki lofað góðu.