Jæja. Bryndís bloggar semsagt ekki mikið. Og hún talar heldur ekki um sjálfa sig í þriðju persónu.
Hmmm. Jamm. Það sem gerst hefur eeeeer. Aaaað. Bíddu, er að hugsa. Jú, er búin að forprófa ba-rannsóknina mína með Arnari og það virðist sem að ýmsar áhugaverðar niðurstöður komi í ljós... hé hé hé... jibbí.
Svo er ég í fríi á fimmtudögum framvegis... jibbí... oooog ég hef víst tekið að mér akút ritstjórnarverkefni... fæ borgað fyrir það, jibbí. Annars er barasta nóg að gera, er að fara að hitta Völu á eftir og spjalla soldið saman, sem við höfum ekki gert almennilega lengi vel.
Helgin, já helgin! Það var Salsagleði hjá Ágústi formanni og spúsu hans Obbu fyrir framkvæmdarstjórn Ungra jafnaðarmanna og betri helminga þeirra (ef einhverjir voru). Kvöldið var einstaklega vel heppnað í alla staði og flæddu frosnar margarítur ásamt alls kyns samkvæmisleikjum yfir kræsilegu matarborðinu. Ég vann sko aðra keppnina, gat getið upp á því að ég væri Monica Levinsky... en gjörsamlega klúðraði dulkóðuðu keppninni, þar sem ég átti að tala um veður í gríð og erg. Fór að hlæja í hvert sinn sem ég gat stunið upp ágætis veð... Síðar var náttúrulega haldið á Ölstofuna þar sem Hafnfirðingur nokkur tók tripp í dónaskap og andstyggilegheitum á þá vegu að sjaldan hefur annað eins sést. Hvað er annars með þessa Hafnfirðinga?? Sorrí, þið eruð bara ekki eins og fólk er flest!!! (með ööörfáum undantekningum) En þá tölti ég bara með Einari, Obbu og Ágústi yfir á Celtic og þar hitti ég Gunna Reyni aftur og Vigga aðalmótmælanda númer eitt (hefur sést blóðugur fyrir framan Stjórnarráðið á síðum Moggans!) og það varð bara svaka fjör úr. Á laugardagskvöldinu kíkti Vala í heimsókn og svo Helga, við Helgan héldum svo áfram á lífið með Dísu, en það entist nú fremur stutt og ég var komin heim á mjög svo skikkanlegum tíma, edrú og settleg sem ávallt. :-D