Nu er ritgerð nr. 2 næææææstum búin, er að leggja lokahönd á hana núna. Og líður afskaplega vel... kannski líka vegna þess að ég hitti tvær bekkjarsystur mínar áðan. Önnur var að BYRJA á annarri ritgerðinni, þ.e.a.s. byrja á að finna heimildir... og hin er byrjuð á tveimur og ætlar svo að byrja á þriðju líka... og þegar það er svona vika í skilin ætlar hún að klára þær allar. Ég held ég hafi aldrei á ævinni heyrt vitlausari hugmynd. Þetta eru fimmþúsund orða ritgerðir og það getur verið nógu drulluerfitt að geyma allar heimildirnar og tilvísanirnar í kollinum og raðað þeim skipulega niður án þess að hafa tvær aðrar í gangi líka... En jæja. Hún um það. Hmmm... skemmtilegt að blogga um verkefnavinnu, ha??
Hef aaaaðeins hætt mér út fyrir hússins dyr um helgina... kíkti aðeins á kaffihús með Jóni Gunnari (sem er í sama verkefnastressi og ég) og í gærkvöldi gisti ég hjá Steinunni, fórum út að borða með vinnufélaga hennar, og horfðum á I "hjarta" Huckabees... og mikið rosalega var það steikt mynd... og svoooo í morguuuun vaknaði ég klukkan HÁLFÁTTA. Trúirðu þessu?? Og þessi dagur hefur verið svo roooooosalega langur að ég hef sjaldan kynnst öðru eins! Þetta verður vonandi til þess að koma mér á réttan kjöl... Við Saira ætlum að gera eitthvað skemmtilegt á morgun þegar við verðum báðar búnar með ritgerðarnar okkar, kíka kannski á pöbb eða fara í bíó eða eitthvað... Sko! Ég umgengst ekkert BARA Íslendinga...

Æ, svo hef ég ekkert svakalega spennó að skrifa... kem heim eftir tvær vikur núna... það er soldið fríkí, er það ekki? Hlakka til...