Tikk tokk. Er búin með þriðjung af ritgerðum. Afrek útaf fyrir sig svosem. Núna er föstudagskvöld og ég heyri í sjónvarpinu í eldhúsinu hérna við hliðiná. Úti á götu hlykkjast fólkið inn á Venue, hræðilega næturklúbbin, og einhver stelpa er að æpa, af frekju heyrist mér. Og ég var að horfa á sorglega, argentíska mynd um lítinn strák sem átti voðalega fáa að. Afskaplega erfitt og ég grét úr mér augun og á morgun þegar ég vakna verð ég með risavaxin augnlok.

Á sko eiginlega ekkert að grenja, ekki þegar það hefur svona stórkostlegar útlitslegar afleiðingar! Ha ha! Það var verst í heimi samt þegar ég vældi á bát einu sinni... vaknaði daginn eftir og það fóru allir að hlæja þegar þeir sáu mig. Augnbarmarnir stóðu bókstaflega út fyrir augntóttina og nefrótina. Hrottalegt. Ég var eins og fiskur. Fiskur með stór, útistandandi augu, það er að segja. Eða kannski voru augun bara eins og tveir fiskar sem heita blowfish á ensku en ég veit ekki hvað heita á íslensku... þeir sem blása upp eins og blöðrur við hættumerki. Haha.

Jæja, best að fara að lúlla núna. Ætla að fresta Camden markaðsferðinni vegna þess að tímanlega séð virðist ég ekki hafa efni á því :S Úff. Og á næstu dögum verð ég að gera upp símareikninga, borga vodafone fram í október... úff... og almennt að búa mig undir heimflutninginn.
Ég á eftir að sakna Sairu og Kostasar. En kannski kemur Saira í sumar og við (ég og Sólrún og Saira og Kostas) erum búin að plana að heimsækja hvort annað á næstu árum (svona tekur nú tíma, sitt hvorir heimshlutar og þess háttar).