Af hverju þarf netið að virka akkúrat þegar ég þarf að vera að skrifa ritgerð. Ritgerðin mín er asnaleg og ég veit ekkert hvernig ég á að formúlera hana. Helvítis mannfræði, hver vill vera mannfræðingur eeeenívei??? Þar sem ég er að borga trilljón fyrir námið hérna þá er það víst ég. En ekki bara hvaða mannfræðingur sem er... heldur sjóóónrænn mannfræðingur. Eins og ÞAÐ meiki svo mikið sens. Eins og það séu fleiri en 3 manneskjur sem viti hvað það eeeeer.

Í gær horfði ég á Shadow of the Vampire. Hún var bara weird, skildi ekki mikið eftir sig. John Malkovich lék það sama og alltaf. Er eiginlega komin með dauðleið á manninum. Willem Dafoe var ágætur en whaddafuck? Eddie Izzard hélt uppi stuðinu (skilyrtur hlátur, sko, hann var ekki einu sinni fyndinn í myndinni)...

Mig langar í snjó og slyddu og rok. Hérna er bara hitabeltissvækja (sko inni í herbergi, ekki eiginlega úti).
Í gær fór ég út úr húsi. Ég fór út í Sainsburys og keypti mér klósettpappír. Já, ekkert svona, það þurfa allir klósettpappír. Vildirðu frekar að ég notaði ekki klósettpappír? Ojjjj.
Kannski fer ég út í dag. Kannskiiiii bara út í skóla... Ég get alveg farið út og gert hluti. Gæti kíkt á nýju klippistofuna okkar... já, það var ákveðið að endurnýja klippistofuna og gera upp allt húsið sem hún er í akkúrat þegar sem flestir þurfa á aðstöðunni að halda... ber ekki miklar vonir til nýju aðstöðunnar, örugglega búið að rugla saman öllum hörðu diskunum og tölvunum og maður veit ekki hvað neitt er í neinu. Er ég neikvæð? Finnst þér ég vera neikvæð? Mér finnst ég svolítið neikvæð núna. Ætti kannski bara að hætta að vera neikvæð.

Hey, kannski er Lára að koma í heimsókn, jíha!

Ójæja, nú ætla ég að hætta að skrifa því ef ég skrifa bara og skrifa þá lest þú bara og lest í aaaaallan dag og verður ekkert að verki.
Köllum þetta fílanþrópíu (stórt orð, stórt orð).