Úbbalæ. Enn ein helgin búin og það ekkert smá helgi.
Föstudagurinn í vinnunni var afskaplega þægilegur, enda fór allt Reikningshaldssvið Landspítalans í ferð um Suðurnesin. Fyrst var ISAL skoðað (massakúl staður!!!), þá Svartsengi og nýja safnið undir því. Það var allt afskaplega gaman. Frá álverinu fengum við líka að skilnaði geisladisk (í álhulstri, bien sur) með ýmsum Thule böndum, Trabant, Múm og Apparat Organ Quartet. Síðan fórum við að borða í Keflavík. Það eina sem ég get sagt um það er að benda fólki á að fá sér ekki að borða í Keflavík. Við fórum á stað sem heitir Matarlyst. Réttnefni, því þú þarft að hafa alveg GÍFURLEGA matarlyst til að geta hugsanlega, mögulega borðað matinn þarna.
Salatbarinn (ef svo er hægt að kalla) var samansafn af ORA from hell. Rauðkál, rauðbeður, grænar baunir og majónes. Efni í gott salat...

Hvað um það, næst var farið á Fræðasafnið í Sandgerði. En Sandgerði er einmitt sérlega frægt fyrir að vera heimabær hinnar alkunnu Leoncie. Fræðasafnið var svona, ehm, ókei, en ekki mikið meira en það. Afskaplega fýla þarna inni og mjög mikið af uppstoppuðum dýrum. Að uppstoppa dýr er alveg sérlega ógeðslegt finnst mér. Ég meina, spáðu í því!!! Öggghhh!!!!
Því næst var farið á Heilbrigðisstofnun Suðurnesja í Keflavík, þar sem okkur var sýnd splunkuný deild sem ekki er hægt að nota sökum fjárskorts. Við fengum þó gott í gogginn þar.

Þegar vinnu lauk (kom í bæinn um sex) þaut ég niður í kosningamiðstöð Bryndísar H í Ármúla og gerði lítið gagn, allir voru að fara heim. Við Kolli fengum okkur að borða og svo fór ég heim.

Um kvöldið töltum við Guðrún Lovísa niður í Þróttarheimili á djamm sem hjúkkan, sálfræðin, verkfræðin og læknisfræðin stóðu fyrir.

Hvað get ég sagt. Það á ekki að selja fólki skot á hundrað kr. Það er hreinlega ósiðlegt. Ásthildur kíkti svo þarna niður eftir og ég hitti líka Margréti frænku og kærastann hennar, hann Gettu betur-Einar. Ég endaði svo með þeim niðri í bæ og það var rosa gaman.
en ekki eins
rosa
gaman
daginn eftir.
Ógleði og magatruflanir héldu mér rúmfastri til fjögur um daginn.
Og ég átti að vera mætt kl. 11 niður í kosningamiðstöð á kosningadegi!!!

Náði þó inn kl. 17 og var á fullu til 22.
Fór svo í Bryndísar H-partí hjá Regínu og þar bárust okkur fregnirnar um að Jóhanna Sigurðar kæmi til með að leiða annan Reykjarvíkurlistann í komandi kosningum en ekki Bryndís frænka. :-( Vissulega eru það mikil vonbrigði. Vonbrigði fyrir Bryndísi en enn meiri vonbrigði fyrir allan flokkinn sem þarf á traustum og skynsömum leiðtoga að halda.Jóhanna er ekki fulltrúi hins ferska og nútímalega stjórnmálaflokks sem Samfylkingin er.
En það þýðir ekki að tuða um það meira. Gert er sem gert er og Bryndís fékk góða kosningu þrátt fyrir allt og treystist þar í sessi sem stjórnmálamaður.

Gleðitíðindi eru þó að Gunna Ö náði 4. sæti (Go Gunna!!), Ágúst náði 8. sæti (Go Gústi!!) og Kata og Bjöggi stóðu sig líka frábærlega og náðu fjórða og þriðja sæti í sinum kjördæmum. (Go UJ!!). Og að, öhm, sumir, komust ekki inn á lista. Óþarfi að tala meira um þaaað...

Eftir úrslitin fóru allir niður á Hótel Borg þar sem djúsað var (nema ég, fremur slök eftir föstudaginn...). Svo var ætlunin að tölta á Næsta bar með Obbu, Gústa og Göflurunum en þá fattaði ég að kortið mitt var ekki á sínum stað!!! AAAARRRRGGG!!! Ég fór því bara heim og lokaði kortinu. Mundi þó MJÖG SKÝRT eftir að hafa látið kortið í fremra hólfið á töskunni (sem er mjög djúpt) og fannst þetta fremur undarlegt.

Jæja. EKki nóg með það heldur hringir Steinunn Valdís í mig daginn eftir og segist hafa fundíð kortið mitt í snyrtibuddunni í veskinu sínu!!! Ég talaði ekkert við Steinunni Valdísi þetta kvöld og var mjög lítið nálægt henni!! Þetta er því gjörsamlega óskiljanlegt

Jæja. Anywho. Horfði svo bara á Buffy með Völlu um sunnudagskvöldið, dagurinn fór allur í letikast.
Og þá þarf bara að koma sér að öllum verkunum sem viku fyrir kosningaspenningi... :S

Cheers.