Jæja!
Stór dagur í lífi mínu!
Gettu hvað!?!?
Ég (ÉG) sótti um kreditkort.
Mikið lifandi ósköp er það fullorðinslegt af mér! Þvílík ábyrgð! En sá þroski!
Það gerðist reyndar af slysni... klikkaði á umsókn á netinu og skrifaði inn kennitöluna mína... svo kom bara að umsóknin væri í skoðun og ef allt væri í lagi fengi ég kort eftir fimm virka daga. Ég bara: ÓK
Þá ætla ég að skipta um banka (úr BÍ í S24, það ku vera lægri vextir) og með kortinu get ég

a) Pantað bækur af Amazon og öðru álíka
(fullt af brúnum, ómerktum pökkum taka að streyma inn á Hávó... hehe)

b) Borgað fyrir blogplus eða bara eitthvað og get þá haft skemmtilega hluti eins og myndir af mér á bloggi/heimasíðu
(Úúú! Heimasíða! Fyrirheitna landið/síðan!)

c) Kannski, einhvern tímann, mögulega, keypt mér kjöltutölvu og borgað með afborgunum... ef ég kaupi tölvu f. 150.000 kostar það ekkert svo mikið á tólf mánuðum.

Jæja. Nóg um fjármál mín. Þau eru í raun svoddan brandari að það er ekki hægt að kalla þau fjármál.

Hmmm... hvað hefur verið að gerast?
Mánudagurinn var bara mánudagur, eins og mánudagar eru. Fór á fund með UJR og UJK með smá slatta af UJH. Síðan fór ég með Bryndísi Ísfold og KOLLA (SKO, ÉG NEFNI ÞIG VÍST Á BLOGGINU) á Prikið og fengum okkur nokkra öllara og spjölluðum um lífið og tilveruna og hvernig best sé að aftaka fólk í prófkjöri (þ.e.a.s. hina svörnu andstæðinga, en samt bara suma. Sumir svarnir andstæðingar eru barasta ágætisfólk, svona um eða eftir prófkjör, en aðrir... grrrrrr...)

NB þá voru TVÆR myndir af mér í Mogganum í gær. Er ég fræg? Minnkar frægðin ef þetta er sama myndin? Hvað ef um sömu myndina er að ræða en önnur er í lit og hin svart/hvít?? Fer frægðin eftir stærð myndanna? Hvað hefur maður svosem ekki gert fyrir frægðina? Ég hef REYNDAR neitað að koma nakin fram. Það var reyndar sem módel í Myndlistaskóla Reykjavíkur, svo það er kannski ekki alveg hið sama. Meen, gæti notað peninginn þó núna.
Gömul saga.
Ó, þetta er svo afstætt allt saman.

Er kvefuð og með túrverki.
Einhver vinsamlegast geri eitthvað.

Prófkjör á laugardaginn :S
Og partí í Þróttaraheimilinu á föstudaginn, fyrir hjúkku-, sálfræði- og verkfræðinema. Ætlar einhver...
ég veit að GUNNA fer... :-)
Vinsamlegast sendið póst á mig, gæti þó vel verið að ég komist ekki... svo þekki ég reyndar ENGAN lengur í sálfræðinni eða verkfræðinni. Erlu Rún og Gunnu reyndar í hjúkkunni...
Arnar, ætlar þú??

Hí hí! Ég er svona að ímynda mér að allir sem ég þekki lesi bloggið mitt!!! Hahahahaaaaaa

Jæja jæja jæja... ef ég skrifa mikið meira, nennir þá einhver að lesa þetta? hmmmm... kemur í ljós...
daddaraaaaaa...
hmm hmm hmmm....

Já, hey, ég keypti mér Ske diskinn og hann er bara mjög góður.

Hmmm.
Nei, nú er ég hætt.