Jæja, helgin liðin nokkuð skammlaust.
Á föstudaginn fór ég til Reykjanesbæjar (!!!) með Ágústi til að vera viðstödd stofnfund UJ í Reykjanesbæ, það var rosa vel mætt. Svo fór ég í partý til Örvars vinar míns og tölti síðan með Völlu og Geir niður í bæ. Örvar er nýfluttur inn í þessa íbúð sína með Díönu (sem á að eiga um jólin!) og íbúðin er svaka sæt, hátt til lofts og þ.h. jafnvel þótt hún sé í kjallara.
Fórum barasta á Celtic Cross, það var bara fínt. Hitti svo slatta af fólki þar, einn stalker, einn óvin, slatta af vinum og síðast Vigga frænda og Lyga. Það var bara mjög fínt allt saman.

Laugardagurinn... bar út Bryndísarbæklinginn um allan Árbæ... æfði mig í snatri með Döggu á flautuna... töltum svo niður á Sólon en þar var prekosningadjamm f. stuðningsfólk BH. Síðan spiluðum við Dagga þennan glæsta flautudúett. Jamm. Alveg stórkostlegt. Sjaldan hefur annað eins breakthrough átt sér stað í íslenskum tónlistarheimi. He he...
Fór svo á djammið með Steinunni, var bara nokkuð rólegt djamm en alveg ágætt.

SVOOOO kom sunnudagurinn og hann fór í leti og þynnku og hálsbólgu eða samblöndu af öllu saman, en það getur verið afskaplega þægilegt að eiga einn svoleiðis dag af og til... dæst.