Það borgar sig sko að taka þátt. Ég tók þátt og vann! Vann! Það er nú ekki oft sem maður vinnur. Sér í lagi þegar maður er gerilsneiddur öllum keppnisanda. En ég vann nú samt sem áður. Ég vann Sponge-Bob Squarepants Snowglobe! :D Frá UCI Cinema sko. UCI loves students.
Reyndar vann ég líka í pub-quizzi um daginn, súkkulaði sem svíarnir stálu og blýant frá þingi þeirra Breta sem er búinn til úr einum, endurnýttum kaffibolla.

Totnes ferðin er eilítið í tvísýnu í augnablikinu því henni Sólrúnu sló svo ægilega niður. Flensan, sko. Bara 39 stiga hiti og læti. Agalegt. Og Kostas er líka orðinn lasinn. Það hvílir óheilbrigt ský yfir íbúð 12 H í Chesterman húsi þessa dagana.

Og á morgun fer ég á blint stefnumót. Stefnumót við óvissuna, svo að segja. Þó ekki rómantískt. Þarf bara að sýna einhvurjum persneskunema úr Oxford mannfræðideildina og skólann. Hann er að fara í sjónræna mannfræði á næsta ári og bað mig um að upplýsa sig frekar um námið. Sá netfangið mitt á skólanetinu. Kemur í ljós að ég var sú eina af sjónrænu mannfræðinemunum sem setti netfangið sitt á innra netið. Þá lendir maður í svona. En piltinn mun ég hitta uppí skóla í gati milli tíma. Hann verður í knallrauðri úlpu... (ég með hvíta nelliku... neidjóksko)
Og Kostas ætlaði að koma með mér að hitta hann en nú er hann kominn með pestina. A plague on both their houses.

Er núna skotin í Devendra Banhart og Sufjan Stevens. Þeirra tónlist líður sem smjör um eyru mín þessa dagana. Ef ég eignast pilta ætla ég að skýra þá Devendra og Sufjan. Djöfull verða þeir lagðir í einelti...

Helga skar af sér bút af litlaputta í dag. Það hefur verið vont. Vona það hafi ekki í alvörunni verið heill bútur, en þar sem hún fór á slysó getur þetta ekki hafa verið gott. Greyið. Og með bréfahníf. Það er hættulegt að opna bréf. Ekki nóg með að maður þurfi að varast pappírsskurði heldur eru bréfahnífarnir líka orðnir hættulegir.