Jæja, þá er hátíðin hafin... ég mætti ásamt mínum trausta félaga, Helgu frænku, á Airwaves (við með grænu flottu armböndin sko, að sjálfsögðu). Fyrst ætluðu við á Vídalín að sjá Lunu og Úlpu og fleiri sveitir en snérum þaðan sökum mannmergðar fyrir utan staðinn. Á leiðinni yfir á Sirkus var okkur svo boðið að frelsast og mæta á unglingasamkomu hjá Fíladelfíu. Við náttúrulega þvílíkt ánægðar með að vera boðið á unglingasamkomu... hé hé... svona er maður nú unglegur... en ákváðum þó að afþakka boðið. Verandi báðar hundheiðnar og svoleiðis.

Svo töltum við yfir á Sirkus og þar var svaka stuð. Þar hitti ég Arnar og Þórð og spjallaði heilmikið við um karlmennsku (það verandi rannsóknarverkefni okkar Arnars, selvfölgeligt). Svo ákváðum við að tölta yfir á Grand rokk þar sem yfirstóð afmælishátíð Smekkleysu. Svo komu Þórður og Arnar þangað og stuttu síðar Fríða og Kiddí. Síðan týndist fólkið í burtu þar til eftir sátu hörðustu djammararnir (og mestu feministarnir, að sjálfsögðu) ég, Fríða og Kiddí. En þær gerðu NB garðinn frægan með stúlknasveitinni Á túr á sínum tíma og eru Bríetur miklar.

En, aðalatriði kvöldsins er að Buffy rúlar og ég er ekki ein um það!!!!

Hananú.

Eða, kannski ekki aðalatriðið, það var rosagaman í gær... vona bara að þetta sé forsmekkur af helginni.

Kom heim að verða tvö og er soldið mygluð í dag...
get þó stolt sagt að ég hefi ekki verið að raða gulum miðum í dag, heldur dúllast í póstinum og litlum verkefnum, undirbúið partý og... tja, sit reyndar niðri að passa upp á skrifstofuna á meðan allir eru í partýinu (er ég útundan??)... hmmm...
Eflaust ekki.
Fólk elskar mig.
Nei, í alvöru.
(?)

Jæja. Mikið stuð í kvöld, vonandi, ætla mér að kíkja á Vídalín og Nasa í kvöld, tja, að minnsta kosti til að byrja með.

Þetta er barasta eins og jólin!